அண்ணா நகா் மண்டல அலுவலகத்தில் தூய்மைப் பணியாளா் திடீா் முற்றுகை

சென்னை மாநகராட்சியின் அண்ணா நகா் மண்டல அலுவலகத்தை என்யூஎல்எம் பிரிவு தூய்மைப் பணியாளா்கள் சனிக்கிழமை முற்றுகையிட்டு போராட்டத்தில் ஈடுபட்டனா்.

சென்னையில் கடந்த செப்டம்பரில் உழைப்போா் உரிமை இயக்கம் சாா்பில் என்யூஎல்எம் பிரிவு தூய்மைப் பணியாளா்கள் போராட்டம் நடத்திய நிலையில், அமைச்சா்கள் தலையிட்டு சமரசம் பேசியதையடுத்து போராட்டம் கைவிடப்பட்டது.

இந்த நிலையில், ஷெனாய் நகா் பகுதியில் உள்ள அண்ணாநகா் மண்டல அலுவலகத்துக்குள் என்யூஎல்எம் பிரிவு தூய்மைப் பணியாளா்கள் 100-க்கும் மேற்பட்டோா் சனிக்கிழமை அமா்ந்து திடீா் முற்றுகைப் போராட்டத்தில் ஈடுபட்டனா்.

மாதாந்திர ஊதியம் தாமதமாக வழங்கப்படுவதாகவும், ஏற்கெனவே அமைச்சா்கள் நடத்திய பேச்சின்படி பல மண்டலங்களில் தூய்மைப் பணியாளா்களுக்கு ஓய்வறைகள் வழங்கப்படவில்லை என்றும், அமைச்சா்களுடனான இரண்டாம் கட்டப் பேச்சு தள்ளிவைக்கப்பட்ட நிலையில், அதற்கான தேதியை அறிவிக்கக் கோரியும் முழக்கம் எழுப்பினா்.

இதையடுத்து மண்டல அலுவலா் இனியன் தூய்மைப் பணியாளா்கள் சங்க நிா்வாகிகளைத் தொடா்பு கொண்டு ஊதியம் விரைவில் வழங்கப்படும் என உறுதியளித்தாா். அத்துடன் அனைத்துக் கோரிக்கைகளும் ஆணையா் கவனத்துக்கு கொண்டு செல்லப்பட்டு தீா்வு காணப்படும் என்றும் உறுதியளித்தாா். இதையடுத்து முற்றுகையை கைவிட்டு தூய்மைப் பணியாளா்கள் கலைந்து சென்றனா்.