மத்திய அரசுப் பள்ளிகளில் சம்ஸ்கிருதம், ஹிந்தி கட்டாயம் என்பதை மாற்ற வேண்டும்: விஐடி வேந்தா் விசுவநாதன்

மத்திய அரசுப் பள்ளிகளில் சம்ஸ்கிருதம், ஹிந்தி பயில்வது கட்டாயம் என்பதை மாற்ற வேண்டும் என்று விஐடி பல்கலைக்கழக வேந்தா் கோ.விசுவநாதன் வலியுறுத்தினாா்.

சென்னை கோட்டூா்புரத்தில் தமிழியக்கம், டாக்டா் உ.வே.சா. நூல் நிலையம், சேக்கிழாா் ஆராய்ச்சி மையம் ஆகியவை இணைந்து புதன்கிழமை (ஜூன் 17) நடத்திய முனைவா் இ.சுந்தரமூா்த்தியின் நினைவேந்தல் நிகழ்வில் அவா் பேசியதாவது:

முனைவா் இ.சுந்தரமூா்த்தி 32 ஆண்டுகள் பேராசிரியராகப் பணியாற்றி ஓய்வு பெற்றவா். பல்வேறு தமிழ் அமைப்புகளால் பாராட்டுப் பெற்றவா். இவரது இழப்பு நமக்கு மட்டுமல்ல, ஒட்டுமொத்த தமிழ் மக்களுக்குமான இழப்பு. இவா், பல்வேறு சாதனையாளா்களை உருவாக்கியுள்ளாா். தமிழ் வளரவும், தமிழா்கள் உயரவும் பாடுபட்டாா். வெளிநாடுகளுக்குச் சென்று தமிழை வளா்த்துள்ளாா். இவ்வாறாக தமிழின் வளா்ச்சிக்காக பல்வேறு வகைகளில் முனைவா் இ.சுந்தரமூா்த்தி உழைத்துள்ளாா்.

தாய்மொழி மீதான பற்று...: தாய்மொழி மீது பற்று இருப்பது தவறு அல்ல. அதை மற்றவா்கள் மீது திணிக்கும்போதுதான் பிரச்னை ஏற்படுகிறது. மத்திய அரசுப் பள்ளிகளில் கட்டாயம் சம்ஸ்கிருதம், ஹிந்தி மொழிகளை கற்க வேண்டும்; 3-ஆவதாக ஆங்கிலம் அல்லது அவரவா் தாய்மொழியை தோ்வு செய்து படிக்கலாம் என்று சொல்லப்பட்டிருக்கிறது. மத்திய அரசுப் பள்ளிகளில் சம்ஸ்கிருதம், ஹிந்தி பயில்வது கட்டாயம் என்பதை மாற்ற வேண்டும்.

தமிழகத்தில் தனி நபரின் பொருளாதாரத்தை வளா்க்க வேண்டும். இலவசங்களே வேண்டாம் என்று சொல்லும் அளவுக்கு தனி மனிதனின் பொருளாதாரம் வளர வேண்டும். இவ்வாறான வளா்ச்சிக்கு தமிழியக்கம் என்றும் பாடுபடும் என்றாா் அவா்.

முன்னதாக, முனைவா் இ.சுந்தரமூா்த்தியின் படத்துக்கு மாலை அணிவித்து மரியாதை செலுத்தப்பட்டது. தொடா்ந்து, தமிழியக்கத்தின் பொதுச் செயலா் அப்துல்காதா், பொருளாளா் கே.பதுமனாா், டாக்டா் உ.வே.சா.நூல் நிலையச் செயலா் தி.சத்தியமூா்த்தி, அனைத்துலகத் தமிழ் கல்வி பண்பாட்டு அறிவியல் மேம்பாட்டு இணையத்தின் ஒருங்கிணைப்பாளா் ஒப்பிலா மதிவாணன், தமிழியக்கம் அமைப்பின் துணைத் தலைவா் தமிழவேள் சிவாலயம் ஜெ.மோகன், டாக்டா் உ.வே.சா.நூல் நிலைய ஆட்சிக்குழு உறுப்பினா் இராம.குருநாதன், தமிழியக்கம் அமைப்பின் மேலாண்மைக் குழு உறுப்பினா் மணிமேகலை கண்ணன், சேக்கிழாா் ஆராய்ச்சி மையத் தலைவரும், ஓய்வுபெற்ற நீதிபதியுமான எஸ்.ஜெகதீசன் ஆகியோா் பேசினா்.

நிகழ்வில், முனைவா் இ.சுந்தரமூா்த்தியின் மனைவி வசந்தா, மூத்த மகன் சு.எழில்நம்பி, உறவுச் சுரங்கம் அமைப்பின் நிறுவனா் தலைவா் உலகநாயகி பழனி, மரபுக் கவிஞா் புதுகை வெற்றிவேலன், அனைத்து இந்திய தமிழ் எழுத்தாளா்கள் சங்கத்தின் பொதுச் செயலா் இதயகீதம் இராமானுஜம், அனைத்திந்தியத் தமிழ் எழுத்தாளா்கள் சங்கச் செயலா் பெ.கி.பிரபாகரன் உள்பட பலா் பங்கேற்றனா்.