12 இடங்களில் வெய்யில் சதம்

வெய்யில் - Center-Center-Delhi

Updated On :15 ஏப்ரல் 2026, 5:59 am IST

தமிழகத்தில் பரமத்தி வேலூா், வேலூா், தருமபுரி, ஈரோடு, சேலம் உள்பட 12 இடங்களில் வெயில் நூறு டிகிரி ஃபாரன்ஹீட்டை தாண்டி பதிவானதாக சென்னை வானிலை ஆய்வு மையம் தெரிவித்துள்ளது.

இதுகுறித்து அந்த மையம் சாா்பில் செவ்வாய்க்கிழமை வெளியிட்ட செய்திக்குறிப்பு:

தெற்கு அஸ்ஸாம் முதல் தென் தமிழகம் வரை ஜாா்க்கண்ட் மேற்கு வங்கம், ஒடிஸா, சத்தீஸ்கா், தெலங்கானா, உள் கா்நாடகம் வழியாக காற்றழுத்தத் தாழ்வுப் பாதை நிலவுகிறது. இதன் காரணமாக மேற்குத் தொடா்ச்சி மலை மாவட்டங்கள், டெல்டா மாவட்டங்களின் கடலோரப் பகுதிகள், ராமநாதபுரம் மாவட்டத்தில் ஓரிரு இடங்களிள் மற்றும் காரைக்கால் பகுதிகளில் ஏப்.20 வரை லேசான மழை பெய்யக்கூடும். சென்னை மற்றும் புகா் பகுதிகளில் புதன்கிழமை(ஏப்.15) வானம் ஓரளவு மேகமூட்டத்துடன் காணப்படும்.

வெப்பநிலை:உள் தமிழக மாவட்டங்களில், அதிகபட்ச வெப்பநிலை ஒருசில இடங்களில் ஏப்.18 வரை சற்று உயரக்கூடும். தமிழகத்தில் செவ்வாய்க்கிழமை அதிகபட்சமாக கரூா் பரமத்தி வேலூரில் 105.44 டிகிரி ஃபாரன்ஹீட் வெப்பம் பதிவானது. வேலூா்-104.36, தருமபுரி-103.1, ஈரோடு, சேலம், மதுரை விமான நிலையம்-தலா 102.2, கோவை 101.84, நாமக்கல் 101.3, , திருப்பத்தூா்-100.4, மதுரை நகரம், பாளை, திருச்சி-தலா 100 டிகிரி ஃபாரன்ஹீட் வெப்பம் பதிவானதாக அதில் தெரிவிக்கப்பட்டுள்ளது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது