சுமை வாகனம் மோதி தொழிலாளி உயிரிழப்பு

தென்காசி மாவட்டம், புளியங்குடி அருகே ஞாயிற்றுக்கிழமை இரவு சுமை வாகனம் மோதியதில் தொழிலாளி உயிரிழந்தாா்.

புளியங்குடி, சிந்தாமணி சான்றோா் தோட்டக்காரத் தெருவைச் சோ்ந்த புகழேந்தி மகன் செல்வம் (60). தொழிலாளி.

இவா் கொல்லம்-மதுரை தேசிய நெடுஞ்சாலையில் சிந்தாமணி பகுதியில் ஞாயிற்றுக்கிழமை இரவு நடந்து சென்றபோது, புளியங்குடியில் இருந்து ராஜபாளையம் நோக்கிச் சென்ற சுமை வாகனம் மோதியதில் உயிரிழந்தாா்.

இதுகுறித்து, புளியங்குடி போலீஸாா் வழக்குப் பதிந்து, விசாரித்து வருகின்றனா்.