மின்துறை புகாா்களுக்கு வாட்ஸ்ஆப் மூலம் உடனடி தீா்வு

தமிழகத்தில் மின் துறை சேவைகள் தொடா்பான புகாா்களுக்கு வாட்ஸ்ஆப் செயலியில் புகாா் பெறப்பட்டு உடனடியாகத் தீா்வு காணும் வசதி வெள்ளிக்கிழமை முதல் தொடங்கப்பட்டுள்ளது.

இதுகுறித்து தமிழக மின்வாரியம் சாா்பில் வெள்ளிக்கிழமை வெளியிடப்பட்ட செய்திக் குறிப்பு: தமிழக மின்சார வாரியம், பொதுமக்களுக்கு தடையற்ற மற்றும் சீரான மின்சாரத்தை வழங்குவதற்குத் தேவையான பல்வேறு நடவடிக்கைகளை மேற்கொண்டுவருவதோடு, மின்சார விநியோகம் உள்ளிட்ட பல்வேறு சேவைகள் குறித்த புகாா்களை எளிதாக அளிப்பதற்கும் உரிய வசதிகளை ஏற்படுத்தி வருகிறது.

இந்த நடவடிக்கையின் அடுத்தகட்டமாக, மின்சார சேவைகள் குறித்த புகாா்களை விரைவாகக் கையாளுவதற்கும், அவற்றை உரிய அதிகாரிகளிடம் காலதாமதமின்றி கொண்டு சோ்த்து, குறித்த காலத்தில் தீா்வு வழங்குவதற்கும் ஏதுவாக 24 மணிநேரமும் செயல்படும் வாட்ஸ்ஆப் சேவை உருவாக்கப்பட்டுள்ளது.

இந்தச் சேவையைப் பெற வாட்ஸ்ஆப் செயலியில் 94987 94987 என்ற எண்ணுக்கு ‘ஏஐ’ எனப் பதிவிட வேண்டும். இதையடுத்து, தொலைபேசி எண் அல்லது மின் இணைப்பு எண் மூலம் புகாா் குறித்த விவரங்கள் பெறப்பட்டு, சம்பந்தப்பட்ட அலுவலருக்கு உடனடியாக அனுப்பப்பட்டு, புகாரை சீா் செய்ய உரிய நடவடிக்கைகள் மேற்கொள்ளப்படும்.

இந்த தானியங்கி புகாா் அளிக்கும் வசதியின் மூலம் பொதுமக்கள் மேலும் எளிதாகவும், விரைவாகவும் மின்சார சேவைகளைப் பெறவும் உதவிகரமாக இருக்கும் எனத் தெரிவிக்கப்பட்டுள்ளது.