தொடர்ந்து 6-வது முறை.. ஜலுக்பரியில் ஹிமந்த அமோக வெற்றி!

அஸ்ஸாம் முதல்வர் ஹிமந்த பிஸ்வ சர்மா ஜலுக்பரி தொகுதியில் காங்கிரஸ் வேட்பாளர் பிதிஷா நியோகை 89,434 வாக்குகள் வித்தியாசத்தில் தோற்கடித்து, தொடர்ந்து ஆறாவது முறையாக வெற்றி பெற்றார்.

2021-ஆம் ஆண்டில், அவர் முதன்முறையாக மாநிலத்தின் முதலமைச்சராகப் பொறுப்பேற்றபோது, ​ஹிமந்தா 1,01,000 வாக்குகள் வித்தியாசத்தில் வெற்றி பெற்றார்.

வாக்கு எண்ணிக்கை தொடங்கிய முதல் சுற்றிலிருந்தே முன்னிலையில் இருந்த சர்மா, 13-வது சுற்று வாக்கு எண்ணிக்கை முடிவில் 1,27,151 வாக்குகளைப் பெற்றார். அதேவேளையில் நியோக் 37,717 வாக்குகளைப் பெற்றார்.

1996-ஆம் ஆண்டில் ஜலுக்பரி தொகுதியில் அவர் போட்டியிட்ட முதல் தேர்தலில் தோல்வியடைந்தார். ஆனால், 2001-ஆம் ஆண்டு முதல் அவரது வெற்றிப் பயணம் தொடர்ந்து வருகிறது.

2021-ஆம் ஆண்டு வரை நடைபெற்ற அடுத்தடுத்த தேர்தல்களில், அவரது வெற்றி வித்தியாசம் தொடர்ந்து அதிகரித்துக்கொண்டே வந்தது என்பது குறிப்பிடத்தக்கது.