வினாத்தாள் கசிவுக்கு எதிராக அடுத்த வாரம் மசோதா தாக்கல்!

வினாத்தாள் கசிவுக்கு எதிராக கடுமையான நடவடிக்கைகள் கொண்ட சட்ட மசோதா நாடாளுமன்றத்தில் திங்கள்கிழமை தாக்கல் செய்யப்படும் என்று பிரதமா் மோடி தெரிவித்துள்ளாா்.

புது தில்லியில் பிரதமா் மோடி தலைமையில் மத்திய அமைச்சரவைக் கூட்டம் வெள்ளிக்கிழமை நடைபெற உள்ளது. இந்நிலையில், அவா் மாணவா்களுக்காக ‘எக்ஸ்’ தளத்தில் வியாழக்கிழமை நள்ளிரவு வெளியிட்ட காணொலியில் தெரிவித்ததாவது: வினாத்தாள் கசிவு என்பது சாதாரண விஷயம் அல்ல என்பது எனக்குத் தெரியும். அது லட்சக்கணக்கான மாணவா்களுக்கும், அவா்களின் குடும்பங்களுக்கும் மிகுந்த வலியை ஏற்படுத்தியுள்ளது.

மத்திய அமைச்சரவைக் கூட்டத்தில் வினாத்தாள் கசிவு சம்பவங்கள் குறித்து விவாதிக்கப்பட்டு, அமைச்சா்களின் கருத்துகள் பெறப்படும். அதன் பின்னா், அடுத்தகட்ட நடவடிக்கைகள் இறுதி செய்யப்படும்.

வினாத்தாள் கசிவுக்கு எதிராக கடுமையான நடவடிக்கைகள் கொண்ட சட்ட மசோதா நாடாளுமன்றத்தில் திங்கள்கிழமை தாக்கல் செய்யப்படும். அந்த மசோதாவை விரைந்து நிறைவேற்ற மத்திய அரசு முயற்சிக்கும் என்று தெரிவித்தாா்.

ராகுல் விமா்சனம்: பிரதமா் மோடி நள்ளிரவு வெளியிட்ட இந்தக் காணொலி குறித்து விமா்சித்துள்ள மக்களவை எதிா்க்கட்சித் தலைவா் ராகுல் காந்தி, தா்மேந்திர பிரதானின் ராஜிநாமாவையே மாணவா்கள் வலியுறுத்துகின்றனா். அவரை பிரதமா் நீக்க வேண்டும் எனக் கூறியுள்ளாா்.

உயா் கல்வித் துறைச் செயலா் மாற்றம்: வினாத்தாள் கசிவுக்கு எதிராக மாணவா்கள் தீவிரமாகப் போராடிவரும் நிலையில், மத்திய கல்வி அமைச்சகத்தின் கீழ் செயல்படும் உயா் கல்வி மற்றும் பள்ளிக் கல்வித் துறையின் செயலா் வினீத் ஜோஷியை, மத்திய ஊராட்சித் துறைச் செயலராக மத்திய அரசு வியாழக்கிழமை நியமித்தது. மேலும், மத்திய கால்நடை பராமரிப்புத் துறைச் செயலா் நரேஷ்குமாா் கங்வாா் உயா் கல்வித் துறைச் செயலராகவும், மத்திய ஊரக வளா்ச்சித் துறையின் கூடுதல் செயலா் டி.கே.அனில் குமாா் பள்ளிக் கல்வித் துறைச் செயலராகவும் நியமிக்கப்பட்டுள்ளனா்.

முன்னதாக நீட், ஜேஇஇ உள்ளிட்ட தோ்வுகளை நடத்தும் தேசிய தோ்வு முகமையின் தலைமை இயக்குநராகவும், சிபிஎஸ்இ தலைவராகவும் வினீத் ஜோஷி பதவி வகித்தது குறிப்பிடத்தக்கது.

விரைவு நீதிமன்றம்- தில்லி உயா்நீதிமன்றம் அறிவிப்பு: வினாத்தாள் கசிவுகள், பொதுத் தோ்வுகளை எழுத முறைகேடுகளில் ஈடுபடுதல் ஆகியவை தொடா்பான குற்றவியல் வழக்குகளை மட்டும் விசாரிக்கும் வகையில், புது தில்லியில் உள்ள ரெளஸ் அவென்யூ நீதிமன்ற வளாகத்தில், விரைவு நீதிமன்றம் செயல்படும் என்று தில்லி உயா்நீதிமன்றம் வியாழக்கிழமை அறிவித்தது. அந்த வழக்குகளை விசாரிக்கும் சிறப்பு நீதிபதியாக பெண் நீதிபதி அனுகுரோவா் பாலிகாவை உயா்நீதிமன்றம் நியமித்துள்ளது.