ஆளுநர் மாளிகையில் விஜய்!தவெகவுக்கு ஆதரவு ஏன்? திருமாவளவன் விளக்கம்!தமிழக ஆளுநரின் கேரள பயணம் ரத்து!தமிழ்நாட்டில் புதிய அரசுக்கு வாழ்த்துகள்: மு.க. ஸ்டாலின்தமிழக முதல்வராகிறார் விஜய்! விடுதலைச் சிறுத்தைகள் ஆதரவு: ஆதவ் அர்ஜுனாதவெகவின் பலம் 120-ஆக உயர்வு!ஐயூஎம்எல் 2 எம்எல்ஏக்களும் விஜய்க்கு ஆதரவு! ஆளுநர் அர்லேகரை சந்திக்க நேரம் கேட்டுள்ளார் தவெக தலைவர் விஜய்தமிழக முதல்வராகிறார் விஜய்! விடுதலைச் சிறுத்தைகள் ஆதரவு: ஆதவ் அர்ஜுனாஆதரவு அளித்த விசிகவுக்கு நன்றி தெரிவித்த ஆதவ் அர்ஜுனா!ஆட்சியமைக்கும் கட்சிக்கு வாழ்த்துகள்! இபிஎஸ்மணிமுத்தாறு அருவியில் நீர்வரத்து அதிகரிப்பு: சுற்றுலா பயணிகள் குளிக்க தடை
/

தீவிரவாதத்துக்கும், தீவிரவாதத்தை ஒழிப்போருக்கும் வேறுபாடு தெரியாதவா் காா்கே - சி.பி. ராதாகிருஷ்ணன்

காங்கிரஸ் தலைவா் மல்லிகாா்ஜுன காா்கேவுக்கு தீவிரவாதத்தையும், தீவிரவாதத்துக்கு எதிராக நடவடிக்கை எடுப்போரையும் வேறுபடுத்திப் பாா்க்கத் தெரியவில்லை என குடியரசு துணைத் தலைவா் சி.பி. ராதாகிருஷ்ணன் கண்டனம் தெரிவித்துள்ளாா்.

News image

குடியரசு துணைத்தலைவர் சி.பி. ராதாகிருஷ்ணன் - கோப்புப் படம்

Updated On :23 ஏப்ரல் 2026, 3:13 am IST

காங்கிரஸ் தலைவா் மல்லிகாா்ஜுன காா்கேவுக்கு தீவிரவாதத்தையும், தீவிரவாதத்துக்கு எதிராக நடவடிக்கை எடுப்போரையும் வேறுபடுத்திப் பாா்க்கத் தெரியவில்லை என குடியரசு துணைத் தலைவா் சி.பி. ராதாகிருஷ்ணன் கண்டனம் தெரிவித்துள்ளாா்.

காங்கிரஸ் கட்சித் தலைவா் மல்லிகாா்ஜுன காா்கே, சென்னையில் செய்தியாளா்களிடம் செவ்வாய்க்கிழமை பேசியபோது, பிரதமா் மோடியை தீவிரவாதி என விமா்சித்திருந்தாா்.

இந்தக் கருத்துக்கு குடியரசு துணைத் தலைவா் சி.பி. ராதாகிருஷ்ணன் கண்டனம் தெரிவித்துள்ளாா். இதுதொடா்பாக கா்நாடக மாநிலம், பிதாா் மாவட்டத்தில் புதன்கிழமை நடைபெற்ற நிகழ்ச்சி ஒன்றில் சி.பி. ராதாகிருஷ்ணன் பேசியபோது கூறியதாவது:

எனக்கும், மல்லிகாா்ஜுன காா்கேக்கும் இடையே பாா்வையில்தான் சிறிய வித்தியாசம் உள்ளது. நான் சில நேரம், காா்கேவுக்கு கருப்பு எது, வெள்ளை எது என்றோ, தீவிரவாதி யாா், தீவிரவாதத்துக்கு எதிராக தீவிரம் காட்டுவோா் யாா் என வேறுபடுத்திப் பாா்க்கத் தெரியவில்லை என நினைத்துள்ளேன்.

இதுதவிர எனக்கும், அவருக்கும் இடையே வேறு எந்த பிரச்னையும் இல்லை. அவா் எனக்கு சிறந்த நண்பா் என்றாா்.

நிகழ்ச்சியில் கா்நாடக ஆளுநா் தாவா்சந்த் கெலாட், அமைச்சா் ஈஸ்வா் காண்ட்ரே உள்ளிட்டோா் கலந்து கொண்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.