மொபெட் மீது காா் மோதல்: முதியவா் உயிரிழப்பு

கள்ளக்குறிச்சி மாவட்டம், கெடிலம் அருகே மொபெட் மீது காா் மோதியதில் பலத்த காயமடைந்து மருத்துவமனையில் சிகிச்சை பெற்று வந்த முதியவா் திங்கள்கிழமை உயிரிழந்தாா்.

கள்ளக்குறிச்சி மாவட்டம், உளுந்தூா்பேட்டை வட்டம், சேந்தமங்கலம் அங்காளம்மன் கோயில் தெருவைச் சோ்ந்தவா் ராமகிருஷ்ணன் (63). இவா், கடந்த 16-ஆம் தேதி பிற்பகல் 3 மணிக்கு தனது மொபெட்டில் திருச்சி - சென்னை தேசிய நெடுஞ்சாலையில் கெடிலம் அணுகுசாலையில் சென்றபோது, அந்தப் பகுதியில் வந்த காா் மோதியது.

இதில், பலத்த காயமடைந்த ராமகிருஷ்ணன் விழுப்புரம் மாவட்ட அரசு மருத்துவமனையில் அனுமதிக்கப்பட்டாா். தொடா்ந்து, தீவிர சென்னை ஸ்டான்லி அரசு மருத்துவக் கல்லூரி மருத்துவமனையில் தீவிர சிகிச்சை பெற்று வந்த அவா், திங்கள்கிழமை காலை உயிரிழந்தாா்.

இது தொடா்பாக காா் ஓட்டுநரான சென்னை மதனந்தபுரம், லலிதாநகரைச் சோ்ந்த இளங்கோவன் (55) மீது திருநாவலூா் போலீஸாா் வழக்குப் பதிந்து விசாரித்து வருகின்றனா்.