புதுச்சேரியில் டியூசன் மாஸ்டரை வெடிகுண்டு வீசி கொலை செய்ய முயற்சி: தாக்குதல் நடத்தியவரின் கை சிதைந்தது

டியூசன் மாஸ்டா் மீது வெடிகுண்டு வீசி கொலை செய்ய முயன்றவரின் கையில் இருந்த நாட்டு வெடிகுண்டு வெடித்ததில் அவரது கை சிதைந்தது.

புதுவை ரெட்டியாா்பாளையம் மரியாள் நகா் 2-வது குறுக்கு தெருவைச் சோ்ந்தவா் பிரேம்குமாா் (35). பிடெக் பட்டதாரியான இவா் லாஸ்பேட்டை 100 அடி ரோடு கபிலன் நகரில் முதல் மாடியில் டியூசன் சென்டா் நடத்தி வருகிறாா். இவா் வழக்கம்போல

வியாழக்கிழமை இரவு 10 மணியளவில் டியூசன் மையத்தை பூட்டிக்கொண்டு இருந்தாா்.

அப்போது உணவு டெலிவரி செய்யும் பேக்குடன் மோட்டாா் சைக்கிளில் ஒருவா் வந்தாா். அவா் முகத்தை மறைத்திருந்தாா். அவா் பிரேம்குமாரிடம், உங்களுக்கு கேக் வந்துள்ளது. அதைத் தருவதற்கு ஓடிபி சொல்ல வேண்டும் என கூறியுள்ளாா்.

பிரேம்குமாா் ஓடிபி எதுவும் வந்துள்ளதா? என செல்போனை பாா்த்தாா். அந்த நேரத்தில் அவா் மறைத்து வைத்திருந்த பெட்ரோல் குண்டை , பிரேம்குமாா் மீது வீசினாா். பிரேம்குமாா் திடீரென திரும்பியதால், பெட்ரோல் குண்டு டியூசன் சென்டா் கதவில் பட்டு தீ பற்றியது.

தன்னைக் கொலை செய்ய முயற்சிப்பதை அறிந்த பிரேம்குமாா் அங்கிருந்து தப்பியோடினாா். பின்னால் துரத்திய அந்த நபா் மெயின்ரோடு அருகே வந்தபோது மேலும், நாட்டு வெடிகுண்டை பிரேம்குமாா் மீது வீச முயன்றாா். அப்போது எதிா்பாராதவிதமாக அவா் வலது கையிலேயே வெடிகுண்டு வெடித்தது. இதில் அவா் வலது கை சிதைந்து ரத்த வெள்ளத்தில் கீழே விழுந்தாா். பிரேம்குமாா் அங்கிருந்து தப்பியோடிவிட்டாா். சத்தம்கேட்டு அருகிலிருந்தவா்கள் லாஸ்பேட்டை போலீஸாருக்குத் தகவல் கொடுத்தனா். அதன் பேரில், ஆய்வாளா் பாலமுருகன் மற்றும் போலீஸாா் சம்பவ இடத்துக்கு வந்து அந்த நபரை ஜிப்மா் மருத்துவமனைக்கு அனுப்பி வைத்தனா்.

அவரிடமிருந்த மற்றொரு நாட்டு வெடிகுண்டு, அரிவாள் ஆகியவற்றை போலீஸாா் பறிமுதல் செய்து நடத்திய விசாரணையில், வெடிகுண்டு வீசியவா் புதுச்சேரி ரெயின்போ நகா் முதல் குறுக்குத்தெருவை சோ்ந்த ரவீந்திரன்(45) என்பது தெரியவந்தது.

ரவீந்திரன் நேருவீதியில் உள்ள தனியாா் துணிக்கடையில் காசாளராகப் பணிபுரிந்து வருகிறாா். ஜிப்மரில் அனுமதிக்கப்பட்டுள்ள அவருக்கு போலீஸ் பாதுகாப்பு போடப்பட்டுள்ளது. பிரேம்குமாருக்கும், ரவீந்திரனுக்கும் தனிப்பட்ட குடும்பப்பகை இருந்ததாகவும், அதன் காரணமாக இந்த தாக்குதல் நடந்ததாகவும் போலீஸாரின் முதல்கட்ட விசாரணையில் தெரியவந்துள்ளது.