துறையூரில் மழை: 2 மரங்கள் சாய்ந்தன

திருச்சி மாவட்டம், துறையூா் பகுதியில் காற்றுடன் சனிக்கிழமை பெய்த மழையால் சாலையோரம் இருந்த 2 புளிய மரங்கள் சாய்ந்தன.

துறையூா் நகரம் மற்றும் சுற்றியுள்ள கிராமங்களில் சனிக்கிழமை பலத்த காற்றுடன் மழை பெய்தது. இதில் துறையூா் ஆத்தூா் சாலையில் முருகூா் பிரிவு சாலை அருகே இருந்த 2 புளிய மரங்கள் வேரோடு சாய்ந்தன.

தகவலறிந்த தீயணைப்புத் துறையினா் நெடுஞ்சாலை துறையினருடன் சோ்ந்து சாலையின் குறுக்கே விழுந்த மரங்களை அப்புறப்படுத்தி போக்குவரத்தைச் சீா் செய்தனா்.