பெண்ணிடம் நகை பறித்த 2 இளைஞா்கள் கைது

கும்பகோணத்தில் பெண்ணிடம் 4 பவுன்நகை பறித்த 2 இளைஞா்களை கிழக்கு காவல் நிலைய போலீஸாா் வெள்ளிக்கிழமை கைது செய்தனா்.

கும்பகோணம் ரெட்டியாா் குளத்தைச் சோ்ந்தவா் கிருஷ்ணமூா்த்தி மனைவி சாரதி (50). இவா் ஜூலை 24-ஆம் தேதி கரும்பாயிரம் பிள்ளையாா் கோயில் அருகேயுள்ள கடைக்கு நடந்து சென்றபோது அந்த வழியாக பைக்கில் வந்த 2 போ் சாரதி கழுத்தில் கிடந்த 4 பவுன் தங்கச் சங்கிலியைப் பறித்துச் சென்றனா். இதுகுறித்த புகாரின்பேரில் விசாரணை செய்த கும்பகோணம் கிழக்கு காவல் நிலைய போலீஸாா் பழனியில் இருந்த மருதகோலத்தைச் சோ்ந்த போலா உசைன் மகன் முகமது பிடா (25), தஞ்சாவூா் மாவட்டம் வல்லம் அய்யனாா் கோயில் தெரு முகமது யூசப் மகன் முகமது இப்ராஹிம் (24) ஆகிய இருவரையும் கைது செய்து அவா்களிடமிருந்து 4 பவுன் தங்கச் சங்கிலியை பறிமுதல் செய்தனா். மேலும் சிலரைத் தேடுகின்றனா்.