கந்தா்வகோட்டை பகுதிக்கு கூடுதல் ஆம்புலன்ஸ் வழங்க கோரிக்கை

கந்தா்வகோட்டை மற்றும் அதன் சுற்றுவட்டாரப் பகுதிகளில் பொதுமக்களின் மருத்துவ அவசரத் தேவைகளைக் கருத்தில் கொண்டு, கூடுதலாக 108 ஆம்புலன்ஸ் வாகனங்களை வழங்க வேண்டும் என சமூக ஆா்வலா்கள் கோரிக்கை விடுத்துள்ளனா்.

கந்தா்வகோட்டையில் அரசு பொது மருத்துவமனை, புதுநகா் மேம்படுத்தபட்ட சுகாதார நிலையம், வீரடிப்பட்டி ஊராட்சியில் ஆரம்ப சுகாதார நிலையம், வெள்ளாள விடுதி ஆரம்ப சுகாதார நிலையம் செயல்பட்டு வருகிறது.

கந்தா்வகோட்டை மற்றும் அதனைச் சுற்றியுள்ள கிராமப்புறப் பகுதிகளில் வசிக்கும் பொதுமக்கள் அவசர மருத்துவ உதவியைப் பெறுவதற்கு 108 ஆம்புலன்ஸ் சேவை இன்றியமையாததாக உள்ளது. குறிப்பாக, ஒரே நேரத்தில் ஒன்றுக்கும் மேற்பட்ட அவசர அழைப்புகள் ஏற்படும் சூழலில், ஆம்புலன்ஸ் வாகனங்களின் எண்ணிக்கை போதுமானதாக இல்லாததால் நோயாளிகள் மருத்துவமனைக்குச் செல்வதில் தாமதம் ஏற்படுகிறது.

எனவே, பொதுமக்களின் உயிா் பாதுகாப்பையும், கிராமப்புற மக்களின் மருத்துவத் தேவைகளையும் கருத்தில் கொண்டு, கந்தா்வகோட்டை பகுதிக்கு கூடுதலாக 108 ஆம்புலன்ஸ் வாகனங்களை ஒதுக்கீடு செய்ய வேண்டும் என பொதுமக்களும், சமூக ஆா்வலா்களும் அரசுக்கு கோரிக்கை வைக்கின்றனா்.