விராலிமலை முருகன் கோயிலில் நவராத்திரி விழா கொலு கண்காட்சி

விராலிமலை முருகன் மலைக்கோயிலில் நவராத்திரி விழாவையொட்டி கொலு பொம்மைகள் காட்சிப்படுத்தப்பட்டுள்ளன.

நிகழாண்டு நவராத்திரி விழாவையொட்டி விராலிமலை முருகன் மலைக்கோயில் நவராத்திரி கொலு மண்டபத்தில் விதவிதமான அலங்காரங்களுடன் கூடிய கொலு பொம்மைகள் வைக்கப்பட்டுள்ளது. இதையடுத்து விநாயகா் பூஜையுடன் நவராத்திரி முதல்நாள் விழா ஞாயிற்றுக்கிழமை தொடங்கியது.

இதையொட்டி முருகன் மற்றும் வள்ளி, தேவசேனா சமேதராக மயில்மேல் ஆறு முகங்களுடன் வீற்றிருக்கும் முருகனுக்கு சிறப்பு அபிஷேகம், மகா தீபாராதனை காண்பிக்கப்பட்டது.

நவராத்திரி நிறைவு நாளான அக். 20-ஆம் தேதி முருகன் வள்ளி, தேவசேனா சமேதராக சிறப்பு அலங்காரத்தில் குதிரை வாகனத்தில் எழுந்தருளி நான்கு ரத வீதிகளில் வலம் வந்து அம்பு போடுதல் நிகழ்ச்சி நடைபெறும்.