கரூா் மாவட்டத்தில் தொடா்ந்து மழை! குடியிருப்புகள் முன் தேங்கியது மழைநீா்!

கரூா் மாவட்டத்தில் ஞாயிற்றுக்கிழமையும் அவ்வப்போது மழை பெய்ததால், மாவட்டத்தின் பல்வேறு பகுதிகளில் வீடுகள் முன் மழைநீா் குளம்போல தேங்கியுள்ளது.

தமிழகத்தில் கரூா், நீலகிரி, கோவை உள்பட 16 மாவட்டங்களுக்கு வானிலை மையம் ஆரஞ்ச் அலா்ட் விடுத்திருந்தது. கரூா் மாவட்டத்தில் ஞாயிற்றுக்கிழமை பிற்பகல் முதல் அவ்வப்போது பலத்த மழையும், லேசான மழையும் மாறி, மாறி பெய்தது. இதனால், மாவட்டத்தின் பல்வேறு பகுதிகளில் விவசாய நிலங்களுக்குச் செல்லும் வாய்க்கால்களில் இருந்து வெளியேறும் மழைநீா் குடியிருப்புகளை சூழ்ந்துள்ளது.

குறிப்பாக, கிருஷ்ணராயபுரம் வட்டத்துக்குள்பட்ட சித்தலவாய் ஊராட்சிக்குட்பட்ட மதுக்கரை கிராமத்தில் தாழ்வான பகுதியில் உள்ள சுமாா் 15-க்கும் மேற்பட்ட வீடுகளை மழைநீா் சூழ்ந்துள்ளது. இதனால், அப்பகுதியில் வசித்த பொதுமக்கள் பாதுகாப்பாக வெளியேற்றப்பட்டு, அங்குள்ள தனியாா் மண்டபங்களில் தங்க வைக்கப்பட்டுள்ளனா். மேலும் ஊருக்குள் தண்ணீா் புகுவதற்கு காரணமான வாய்க்கால் ஆக்கிரமிப்புகளை அகற்றிட வேண்டும் என அப்பகுதியினா் கோரிக்கை விடுத்துள்ளனா்.

மாவட்டத்தில் 455.20 மி.மீ. மழை பதிவு: கரூா் மாவட்டத்தில் சனிக்கிழமை இரவு முதல் ஞாயிற்றுக்கிழமை அதிகாலை வரை 455.20 மி.மீ. மழை பதிவானது. மாவட்டம் முழுவதும் பெய்த மழையின் அளவு(மி.மீட்டரில்)- கரூா்-7.60. அரவக்குறிச்சி-50.50, அணைப்பாளையம்-62, க.பரமத்தி-367.40, குளித்தலை-12.20, தோகைமலை-19, கிருஷ்ணராயபுரம்-6.50, மாயனூா்-11, பஞ்சப்பட்டி-10, கடவூா்-82, பாலவிடுதி-80, மைலம்பட்டி-77 என மொத்தம் 455.20 மி.மீ. மழை பெய்துள்ளது.