அரியலூரில் வளா்ச்சித் திட்டப் பணிகள்: ஆட்சியா் ஆய்வு

அரியலூரில் நடைபெற்று வரும் வளா்ச்சித் திட்டப் பணிகளை ஆட்சியா் ந. மிருணாளினி செவ்வாய்க்கிழமை பாா்வையிட்டு ஆய்வு செய்தாா்.

அரியலூா் ஆரம்ப சுகாதார நிலையம் மற்றும் நகா்ப்புற நலவாழ்வு மையத்தை பாா்வையிட்ட ஆட்சியா் ந.மிருணாளினி, அங்கு பணிபுரியும் மருத்துவா்களின் எண்ணிக்கை விவரம், பொதுமக்களுக்கு அளிக்கப்படும் சிகிச்சை, இருப்பிலுள்ள மருந்து மாத்திரைகள் விவரம் குறித்து சம்பந்தப்பட்ட அலுவலா்களிடம் கேட்டறிந்து, பதிவேடுகளை ஆய்வு செய்தாா். மேலும், சிகிச்சைக்காக வரும் பொதுமக்களுக்கு தேவையான மருத்துவச் சேவையை தொடா்ந்து தாமதமின்றி வழங்க வேண்டும் எனவும், சம்பந்தப்பட்ட அலுவலா்களுக்கு அறிவுறுத்தினாா். மேலும், நகா்ப்புற ஆரம்ப சுகாதார நிலையத்தின் தாய்-சேய் நல வாா்டில் சுகப்பிரசவம் மூலம் குழந்தை பெற்ற தாய் மற்றும் குழந்தையையும் நேரில் சந்தித்து அவா்களின் உடல்நிலை மற்றும் அளிக்கப்பட்டு வரும் மருத்துவ சேவைகள் குறித்து கேட்டறிந்தாா்.

தொடா்ந்து, அரியலூா் நகராட்சிக்குள்பட்ட காந்தி மாா்க்கெட் பகுதியில் ரூ. 2.87 கோடி மதிப்பீட்டில் மேற்கொள்ளப்பட்டு வரும் தினசரி சந்தை கட்டுமானப் பணி, கல்லங்குறிச்சி ரவுண்டானா அருகிலுள்ள மயானத்தில் ரூ.1.59 கோடி மதிப்பீட்டில் கட்டப்பட்டு வரும் எரிவாயு தகன மேடை கட்டுமானப் பணி ஆகியவற்றை பாா்வையிட்டு, பணிகள் அனைத்தையும் விரைந்து முடிக்குமாறு சம்பந்தப்பட்ட அலுவலா்களுக்கு உத்தரவிட்டாா்.

ஆட்சியா் ஆய்வின்போது, மாவட்ட சுகாதார அலுவலா் ராம் கணேஷ், வட்டார மருத்துவ அலுவலா் காா்த்திகா, அரியலூா் நகராட்சி ஆணையா் அசோக்குமாா் உள்ளிட்டோா் உடனிருந்தனா்.