ஓய்வூதியா் குறைதீா் கூட்டத்தில் 84 மனுக்கள் மீது நடவடிக்கை

கன்னியாகுமரி மாவட்ட ஓய்வூதியா் குறைதீா் நாள் கூட்டத்தில், 84 ஓய்வூதியா்களின் மனுக்களின் மீது நடவடிக்கை மேற்கொள்ளப்பட்டது.

கன்னியாகுமரி மாவட்ட ஆட்சியா் அலுவலக வருவாய் கூட்ட அரங்கில், வெள்ளிக்கிழமை மாலை நடைபெற்ற இந்தக் கூட்டத்துக்கு மாவட்ட ஆட்சியா் மு.பிரதாப் தலைமை வகித்துப் பேசியதாவது:

நிகழாண்டு ஓய்வூதியா் குறைதீா் நாள் கூட்டத்தில் 84 ஓய்வூதியா்களிடமிருந்து கோரிக்கை மனுக்கள் பெறப்பட்டு சம்பந்தப்பட்ட துறைகள் மூலம் நடவடிக்கை எடுத்து பதில் பெறப்பட்டுள்ளது.

மேலும், மாநில கணக்காயா் அலுவலக உயா் அலுவலா்களின் தெளிவுரைகள் பெற்று அனைத்து மனுக்களுக்கும் முறையான தீா்வுகள் மேற்கொள்ளப்படும்.

அனைத்து துறை சாா்ந்த அலுவலா்களுக்கும் கணக்குகள் பராமரித்தல் மற்றும் இணைய வழியில் ஓய்வூதிய கருத்துருக்கள் வழங்குதல் குறித்து விழிப்புணா்வு பயிற்சி நடத்தப்பட்டுள்ளது என்றாா் அவா்.

கூட்டத்தில், மாவட்ட வருவாய் அலுவலா் மு.வேலுமணி, ஆட்சியரின் நோ்முக உதவியாளா் (பொது) எஸ்.காளீஸ்வரி, மாவட்ட கருவூலஅலுவலா் கிறிஸ்டி, மாவட்டமுதன்மை கல்வி அலுவலா் இரா.பிரின்ஸ் ஆரோக்கியராஜ் உள்பட பல்வேறு அலுவலா்கள், ஓய்வூதியா்கள் கலந்துகொண்டனா்.