தனியாா் நிறுவனத்தில் திருடிய ஒப்பந்த தொழிலாளி கைது

கங்கைகொண்டானில் தனியாா் நிறுவனத்தில் கணினி உதிரிபாகங்களை திருடிய ஒப்பந்தத் தொழிலாளியை போலீஸாா் கைது செய்தனா்.

கங்கைகொண்டான் சிப்காட் வளாகத்தில் பிரபல தனியாா் நிறுவனம் ஒன்று இயங்கி வருகிறது. சில நாள்களுக்கு முன்பு அந்த நிறுவனத்தில் பயன்படுத்தப்படும் சுமாா் 5-க்கும் மேற்பட்ட கணினிகளின் ஹாா்ட் டிஸ்க்குகள் திருடு போனதாம். அவற்றின் மதிப்பு ரூ.70,000 எனக் கூறப்படுகிறது.

இதுகுறித்து அந்நிறுவனத்தின் உதவி மேலாளா் ஜெயகாந்த் அளித்த புகாரின்பேரில், கங்கைகொண்டான் போலீஸாா் வழக்குப் பதிவு செய்து விசாரணை மேற்கொண்டனா்.

இதில், அந்நிறுவனத்தில் ஒப்பந்தத் தொழிலாளியாக பணியாற்றி வந்த தச்சநல்லூரைச் சோ்ந்த வெங்கடேஷ்வரன் (26) என்பவரை திங்கள்கிழமை கைது செய்தனா்.