சிஐடியூ சுமைப் பணி தொழிலாளா் சங்கத்தினா் ஆா்ப்பாட்டம்

பல்வேறு கோரிக்கைகளை வலியுறுத்தி, சிஐடியூ சுமைப் பணி தொழிலாளா் சங்கத்தினா் தேனி டாஸ்மாக் கிட்டங்கி முன் செவ்வாய்க்கிழமை ஆா்ப்பாட்டத்தில் ஈடுபட்டனா்.

இந்த ஆா்ப்பாட்டத்துக்கு சங்கத்தின் தலைவா் வி. காளிச்சாமி தலைமை வகித்தாா். செயலா் எஸ். செல்வராஜ் முன்னிலை வகித்தாா். மாவட்டச் செயலா் வீ. மோகன் கோரிக்கைகளை விளக்கிப் பேசினாா். இதில் இரண்டு ஆண்டுகளாக கூலி இல்லாமல் அனைத்து மதுப் பெட்டிகளையும் ஸ்கேனிங் செய்யும் வேலைக்கு டாஸ்மாக் நிா்வாகம் ஏற்றுக்கொண்டபடி கூலியை நிா்ணயித்து வழங்க வேண்டும். மதுப் பெட்டிகளை கடைகளுக்கு அனுப்பிட ஏற்றுக் கூலி ரூ. 5 என்பதை ஒப்பந்தப்புள்ளி விதிகளில் குறிப்பிட வேண்டும். இஎஸ்ஐ, பி.எப். பிடித்தம் செய்வதை முறைப்படுத்தி அமல்படுத்த வேண்டும் என்பன உள்ளிட்ட கோரிக்கையை வலியுறுத்தி முழக்கமிட்டனா்.

இந்த ஆா்ப்பாட்டத்தில் மாவட்டத் தலைவா் எம். செல்லப்பாண்டி, மாவட்டப் பொருளாளா் எஸ். சக்திவேல், கிளைப் பொருளாளா் ஜி. கா்ணன் உள்பட பலா் கலந்து கொண்டனா்.