லஞ்சம் பெற்ற எஸ்.எஸ்.ஐ. பணயிடை நீக்கம்

தொண்டி அருகே போக்சோ வழக்கில் கைதானவரை காப்பாற்றுவதாகக் கூறி அவரது உறவினரிடம் லஞ்சம் பெற்ற சிறப்பு உதவி ஆய்வாளா் ஆசைக்குமாா் செவ்வாய்க்கிழமை பணியிடை நீக்கம் செய்யப்பட்டாா்.

ராமநாதபுரம் மாவட்டம், திருவாடானை தாலுகா, தொண்டி அருகே மகளுக்குப் பாலியல் தொல்லை கொடுத்ததாக கடந்த மாதம் போக்சோ சட்டத்தின் கீழ் சிறுமியின் தந்தை கைது செய்யப்பட்டாா். அவரை பிணையில் எடுக்க முயன்ற சிறுமியின் சித்தப்பாவிடம் தொண்டி காவல் நிலைய சிறப்பு உதவி ஆய்வாளா் ஆசைக்குமாா், லஞ்சம் பெற்று சட்டத்துக்குப் புறம்பான வழிகளைக் கூறியதாகக் கூறப்படுகிறது. இந்த கைப்பேசி

உரையாடல் அடங்கிய ஒலிப்பதிவு ஆதாரத்துடன் பாதிக்கப்பட்ட தரப்பினா் மாவட்டக் காவல் கண்காணிப்பாளரிடம் புகாா் அளித்தனா். அதன்பேரில் விசாரணை மேற்கொள்ளப்பட்டு, குற்றச்சாட்டு உறுதியானதையடுத்து, மாவட்டக் காவல் கண்காணிப்பாளா் சந்தீஸ், சம்பந்தப்பட்ட உதவி ஆய்வாளா் ஆசைக்குமாரை செவ்வாய்க்கிழமை பணியிடை நீக்கம் செய்து உத்தரவிட்டாா்.