பாம்பன் துறைமுகத்தில் ஒன்றாம் எண் புயல் எச்சரிக்கை கூண்டு ஏற்றம்

வங்கக் கடலில் ஏற்பட்டுள்ள காற்றழுத்தத் தாழ்வு மண்டலம் காரணமாக, மீனவா்களுக்கு தொலைதூர எச்சரிக்கை விடுக்கும் வகையில் பாம்பன் துறைமுகத்தில் ஒன்றாம் எண் புயல் எச்சரிக்கைக் கூண்டு ஞாயிற்றுக்கிழமை ஏற்றப்பட்டது.

வங்கக் கடலில் காற்றழுத்தத் தாழ்வு மண்டலம் காரணமாக, தமிழக கடலோர மாவட்டங்களில் மழை பெய்யக் கூடும் என வானிலை மையம் அறிவுறுத்தியது.

இந்த நிலையில், ராமநாதபுரம் மாவட்ட மீனவா்களுக்கு எச்சரிக்கை விடுக்கும் வகையில், பாம்பன் துறைமுகத்தில் ஒன்றாம் எண் புயல் கூண்டு ஞாயிற்றுக்கிழமை ஏற்றப்பட்டது.

மேலும், கடலுக்கு மீன்பிடிக்கச் சென்ற மீனவா்கள் பாதுகாப்புடன் இருக்க வேண்டும் என அறிவுறுத்தப்பட்டது.