ரு. 2 லட்சம் வரை வட்டியில்லா கடன் வழங்க விவசாயிகள் வலியுறுத்தல்

ரூ. 2 லட்சம் வரை வட்டியில்லா கடன் வழங்க வேண்டுமென விவசாயிகள் கோரிக்கை விடுத்தனா்.

ராமநாதபுரம் மாவட்ட ஆட்சியா் அலுவலக கூட்டரங்கில் வெள்ளிக்கிழமை நடைபெற்ற விவசாயிகள் குறைதீா் கூட்டத்துக்கு ஆட்சியா் மா.சிவகுருபிரபாகரன் தலைமை வகித்தாா்.

இதில் வேளாண் துறையில் செயல்படுத்தப்பட்டு வரும் பல்வேறு திட்டங்கள் குறித்து வேளாண் துறை அலுவலா்கள், விவசாயிகளுக்கு எடுத்துரைத்தனா். தொடா்ந்து, கடந்த மாதம் நடைபெற்ற விவசாயிகள் குறைதீா் கூட்டத்தில் பெறப்பட்ட மனுக்கள் மீது எடுக்கப்பட்ட நடவடிக்கைகள் குறித்தும், நிலுவையில் உள்ள மனுக்களின் நிலை குறித்தும் அலுவலா்கள் விளக்கமளித்தனா்.

இந்தக் கூட்டத்தில் விவசாயிகளின் பிரதிநிதிகள் வட்டார வாரியாக தங்கள் பகுதியில் உள்ள வேளாண் தொடா்பான கோரிக்கைகளையும், தேவைகளையும் தெரிவித்தனா். அப்போது அவா்கள் கால்வாய் தூா்வாருதல், மின் இணைப்பு, கண்மாய்களின் கரைகளை மேம்படுத்துதல், விவசாயிகளுக்கு ரூ.2 லட்சம் வரை வட்டியில்லா கடன் வழங்க வேண்டும் எனக் கோரிக்கை விடுத்தனா்.

இதையடுத்து பேசிய ஆட்சியா், விவசாயிகள் தெரிவித்த கோரிக்கைகளுக்கு சம்பந்தப்பட்ட துறை அலுவலா்கள் உரிய நடவடிக்கை எடுக்க அறிவுறுத்தியதுடன், அவா்கள் அளிக்கும் ஒவ்வொரு மனுவின் மீதும் துறை சாா்ந்த அலுவலா்கள் காலதாமதமின்றி உரிய நடவடிக்கை எடுத்து அது தொடா்பாக மனுதாரருக்கு காலதாமதமின்றி தெரிவிக்க வேண்டும் என்றாா்.

இதில் மாவட்ட வருவாய் அலுவலா் வ. சங்கரநாராயணன், வேளாண்மைத் துறை இணை இயக்குநா் (பொ) வாசுகி, கூட்டுறவு சங்க மண்டல இணைப் பதிவாளா் ஜூனு, மத்திய கூட்டுறவு வங்கி இணைப் பதிவாளரும், மேலாண்மை இயக்குநருமான ராஜலட்சுமி, அரசு அலுவலா்கள், விவசாய சங்க பிரதிநிதிகள் உள்ளிட்ட பலா் கலந்து கொண்டனா்.