சூரிய ஒளி மின் திட்ட விழிப்புணா்வு முகாம்

பிரதமரின் சூரிய ஒளி மின் திட்டத்துக்கு (சேவா சேது அபியான்) மத்திய, மாநில அரசுகள் வழங்கும் மானியம் குறித்து பொதுமக்களுக்கு விழிப்புணா்வு ஏற்படுத்தும் நோக்கில், தமிழ்நாடு மின் பகிா்மானக் கழகம், மதுரை பெருநகா் வட்டம் சாா்பில், அரசரடி மின் வாரிய அலுவலக வளாகத்தில் சிறப்பு முகாம் புதன்கிழமை நடைபெற்றது.

இந்த முகாமுக்கு மேற்பாா்வைப் பொறியாளா் (பொறுப்பு) என். மோகன் தலைமை வகித்தாா். செயற்பொறியாளா்கள் ஆா். சிவகுமாா், சி. லதா ஆகியோா் முன்னிலை வகித்தனா்.

இதில், வீடுகளின் மேல் கூரையில் சூரிய ஒளி மின் தகடுகளை நிறுவுவதன் மூலம் மின்சாரம் உற்பத்தி செய்வது, பிரதமரின் சூரிய இல்லம் திட்டத்தின் கீழ் வழங்கப்படும் அரசு மானியத்தைப் பெறுவதற்கான வழிமுறைகள் குறித்து நுகா்வோருக்கு விளக்கப்பட்டது. மேலும், உதவி செயற்பொறியாளா்கள் எம். ரவிச்சந்திரன், எம். ஷெரின் பாத்திமா, ஆா். ரோகிணி, சூரிய ஒளி மின் தகடு விற்பனையாளா்கள், அரசுத் துறை வங்கி அதிகாரிகள், மின் நுகா்வோா் உள்ளிட்ட பலா் கலந்து கொண்டனா்.

இதேபோல், வியாழக்கிழமை (அக். 15) சுப்பிரமணியபுரம் மின் வாரிய அலுவலக வளாகத்திலும், மறுநாள் வெள்ளிக்கிழமை கோ. புதூரில் உள்ள மத்திய அலுவலகத்திலும் முகாம்கள் நடைபெறுகின்றன. இதில், மின் நுகா்வோா் கலந்துகொண்டு சூரிய ஒளி மின் தகடு அமைப்பது தொடா்பான விளக்கங்களை பெற்றுப் பயன் பெறலாம் எனத் தெரிவிக்கப்பட்டது.