பெண்ணுக்கு ஆபாச குறுஞ்செய்தி அனுப்பியவா் கைது

செம்பட்டி அருகே திருமணமான பெண்ணுக்கு கட்செவி அஞ்சலில் ஆபாச குறுஞ்செய்தி அனுப்பியவரை காவல்துறையினா் சனிக்கிழமை கைது செய்தனா். 

திண்டுக்கல் மாவட்டம், செம்பட்டி அருகேயுள்ள கேத்தையகவுண்டன்பட்டியைச் சோ்ந்த திருமணம் ஆன 30 வயது பெண்ணின் கட்செவி அஞ்சல் எண்ணுக்கு அடிக்கடி ஆபாச குறுஞ்செய்தி அனுப்பிய நபரை அந்தப் பெண்ணும், அவரது சகோதரரும் வெள்ளிக்கிழமை செம்பட்டி நான்கு சாலை பகுதிக்கு வரவழைத்து கண்டித்தனா்.

இதில் இருதரப்புக்கும் கைகலப்பு ஏற்பட்டது. மேலும், கொலை மிரட்டல் விடுத்த அந்த இளைஞா் மீது பெண் அளித்த புகாரின் பேரில் வழக்குப் பதிவு செய்த போலீஸாா் அழகா்நாயக்கன்பட்டியைச் சோ்ந்த மனோபாலாவைக் (35) கைது செய்தனா்.