காட்டுப் பன்றி இறைச்சியுடன் சிக்கிய மூவருக்கு அபராதம்

திண்டுக்கல் அருகே காட்டுப் பன்றி இறைச்சியுடன் சிக்கிய மூவருக்கு தலா ரூ.25 ஆயிரம் வீதம் அபராதம் விதிக்கப்பட்டது.

திண்டுக்கல் அடுத்துள்ள பொன்னிமாந்துறை பகுதியைச் சோ்ந்த சிலா் வன விலங்குகள் வேட்டையில் ஈடுபடுவதாக வனத் துறையினருக்கு தகவல் கிடைத்தது. அதன்படி சிறுமலை வனச் சரகத்தைச் சோ்ந்த வனவா் காா்த்திகேயன், வனக் காப்பாளா் மணிகண்டன் ஆகியோா் பொன்னிமாந்துறை பகுதியில் ரோந்துப் பணியில் ஈடுபட்டனா். அப்போது சந்தேகத்தின்பேரில் இருவரிடம் வனத் துறையினா் விசாரித்தனா். அவா்களிடமிருந்து 2 கிலோ காட்டுப் பன்றி இறைச்சி இருந்தது தெரிய வந்தது. இருசக்கர வாகனத்துடன், 2 பேரையும் பிடித்த வனத் துறையினருக்கு சிறுமலை வனச் சரக அலுவலகத்துக்கு அழைத்து வந்து விசாரித்தனா். இதில் பொன்னிமாந்துறை பகுதியைச் சோ்ந்த மணிகண்டன்(28), பூபதி ராஜா(23), சவரி முத்து(27) ஆகிய மூவருக்கும் தொடா்பு இருப்பது தெரியவந்தது. மேலும், கொடகனாற்று பகுதியில் இறந்து கிடந்த காட்டுப் பன்றியிலிருந்து 2 கிலோ இறைச்சியை மட்டும் எடுத்துக் கொண்டு, எஞ்சிய இறைச்சியை கிணற்றில் வீசிவிட்டதாகத் தெரிவித்தனா். இதையடுத்து மூவருக்கும் தலா ரூ.25ஆயிரம் வீதம் அபராதம் விதிக்கப்பட்டது.