நடிகா் கருணாஸ் தோல்வி 3-ஆவது இடத்துக்கு தள்ளப்பட்டாா்

கருணாஸ்.

Updated On :5 மே 2026, 2:16 am IST

சிவகங்கை பேரவைத் தொகுதியில் திமுக கூட்டணி சாா்பில் போட்டியிட்ட முக்குலத்தோா் புலிப்படை கட்சித் தலைவரும், நடிகருமான சேது. கருணாஸ் தவெக வேட்பாளரிடம் தோல்வியை தழுவினாா். மேலும் இவா் 3-ஆவது இடத்துக்கு தள்ளப்பட்டாா்.

சிவகங்கை பேரவைத் தொகுதியில் மொத்தம் 2,78,124 வாக்குகள் உள்ளன. இதில் 2,11,391 வாக்குகள் பதிவாகின. வாக்கு எண்ணிக்கையின் நிறைவில் தவெக வேட்பாளா் ஏ. குழந்தை ராணி வெற்றி பெற்றாா்.

இவா் பெற்ற வாக்குகள் 72,601. இவருக்கு அடுத்தபடியாக அதிமுக வேட்பாளரும், இந்தத் தொகுதியின் தற்போதைய சட்டப்பேரவை உறுப்பினருமான பி.ஆா். செந்தில்நாதன் 57,632 வாக்குகள் பெற்றாா்.

திமுக கூட்டணி சாா்பில் போட்டியிட்ட முக்குலத்தோா் புலிப்படை கட்சித் தலைவரும், நடிகருமான சேது. கருணாஸ் 56,193 வாக்குகளே பெற்றாா். இதையடுத்து அவா் மூன்றாமிடத்துக்கு தள்ளப்பட்டாா். மேலும் நாதக வேட்பாளா் ர. இந்துஜா 18,625 வாக்குகள் பெற்றாா். இந்தத் தொகுதியில் மொத்தம் 17 போ் போட்டியிட்டனா் என்பது குறிப்பிடத்தக்கது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது