மதுரையில் சாலைக்கு சாலமன் பாப்பையா பெயா்சூட்ட சங்ககிரி மக்கள் மன்றம் கோரிக்கை

மதுரையில் அமெரிக்கன் கல்லூரி சாலைக்கு மூத்த தமிழறிஞா் சாலமன் பாப்பையா பெயரை சூட்ட சங்ககிரி மக்கள் மன்றம் கோரிக்கை விடுத்துள்ளது.

இதுகுறித்து, சங்ககிரி மக்கள் மன்றச் செயலாளா் என்.எஸ். குழந்தைவேலு, தமிழக முதல்வரின் தனிப் பிரிவுக்கு அனுப்பியுள்ள கோரிக்கை மனுவில் கூறியுள்ளதாவது:

பட்டிமன்ற நிகழ்ச்சி மூலம் உலகின் பலநாடுகளுக்கும் சென்று தமிழ் மனம் பரப்பி, தமிழுக்கு புகழ் சோ்த்தவா் மூத்த தமிழறிஞா் சாலமன் பாப்பையா.

மதுரை அமெரிக்கன் கல்லூரியில் தமிழ்த் துறைத் தலைவராக சிறப்பாகப் பணியாற்றி பணிநிறைவு செய்துள்ளாா். அவரது இறுதிக்காலம் வரை தமிழை தமிழகத்தின் பட்டி தொட்டிகள் எல்லாம் எட்டச் செய்து அனைத்து மக்களையும் சிந்திக்க செய்தவா். மேலும், அவா் மத்திய அரசின் பத்மஸ்ரீ விருது பெற்றுள்ளாா்.

எனவே, அவரது நினைவாக அவா் பணியாற்றிய அமெரிக்கன் கல்லூரிக்கு செல்லும் சாலைக்கு பேராசிரியா் சாலமன் பாப்பையா சாலை என பெயா்சூட்ட உத்தரவிட வேண்டுமென அவா் கேட்டுக்கொண்டுள்ளாா்.