சுண்டங்கோழி பறவைகளை வேட்டையாடியவா் கைது

சேலம் மாவட்டம், வாழப்பாடி அருகே, அரிய வகை வா்ண சுண்டங்கோழி பறவைகளை வேட்டையாடியவரை வனத் துறையினா் கைது செய்தனா்.

வாழப்பாடி வனப்பகுதியில் காணப்படும் அரிய வகை வா்ண சுண்டங்கோழி பறவைகளை மா்ம நபா்கள் வேட்டையாடி விற்பனை செய்வதாக மாவட்ட வன அலுவலா் அம்புல்கா் யஸ்வந்த் ஜெகதீஷுக்கு ரகசிய தகவல் கிடைத்துள்ளது.

இவரது அறிவுறுத்தலின்பேரில் வாழப்பாடி வனச்சரகா் என். பொன்னுசாமி தலைமையில் வனச்சரகப் பணியாளா்கள் அடங்கிய குழுவினா் வெள்ளாளகுண்டம் பகுதியில் சோதனையில் ஈடுபட்டனா்.

அப்போது சாக்குப் பையுடன் இருந்த நபரை பிடித்து விசாரித்ததில், அவா், தருமபுரி மாவட்டம், அரூா் வட்டம், பச்சனாம்பட்டி கிராமத்தைச் சோ்ந்த ரஜினி (48) என்பதும், சாக்குப்பையில், 12 வா்ண சுண்டங்கோழிகள் உயிருடன் இருப்பதும் தெரியவந்தது.

கன்னிவலைகளை பயன்படுத்தி வேப்பிலைப்பட்டி, பெருமாள் மலை மற்றும் வெள்ளாளகுண்டம் பகுதியில் தென்னந்தோப்பு, மரவள்ளித் தோட்டத்தில் வா்ண சுண்டங்கோழி பறவைகளை பிடித்தது தெரியவந்தது.

இதையடுத்து அந்த வா்ண சுண்டங்கோழி பறவைகளை பறிமுதல் செய்த வனத்துறையினா், ரஜினியை கைது செய்து, வாழப்பாடி உரிமையியல் மற்றும் குற்றவியல் நீதித்துறை நடுவா் நீதிமன்றத்தில் ஆஜா்படுத்தி சேலம் மத்திய சிறையில் அடைத்தனா்.