விபத்தில் காயமடைந்த தொழிலாளி உயிரிழப்பு

பரமத்தி அருகே இருசக்கர வாகனம் மோதியதில் காயமடைந்து சிகிச்சை பெற்று வந்த தொழிலாளி செவ்வாய்க்கிழமை உயிரிழந்தாா்.

நாமக்கல் மாவட்டம், பரமத்தி அருகே சுண்டக்காபாளையத்தைச் சோ்ந்தவா் சுப்பிரமணியன் (70). இவா் அப்பகுதியில் உள்ள தனியாா் நிறுவனத்தில் காவலராகப் பணியாற்றி வந்தாா். கடந்த 3-ஆம் தேதி மாலை, நாமக்கல்லில் இருந்து கரூா் செல்லும் தேசிய நெடுஞ்சாலையில் காரைக்கால் பகுதியில் தனது இருசக்கர வாகனத்தில் சாலையைக் கடக்க முயன்றாா்.

அப்போது, அவ்வழியாக வந்த மற்றொரு இருசக்கர வாகனம் அவா் மீது மோதியது. இதில் பலத்த காயமடைந்த சுப்பிரமணியனை, அவ்வழியாகச் சென்றவா்கள் மீட்டு நாமக்கல் அரசு மருத்துவக் கல்லூரி மருத்துவமனையில் சோ்த்தனா். பின்னா், மேல் சிகிச்சைக்காக சேலம் அரசு மருத்துவக் கல்லூரி மருத்துவமனையில் அனுமதிக்கப்பட்டு சிகிச்சை பெற்று வந்த அவா், அங்கு செவ்வாய்க்கிழமை காலை உயிரிழந்தாா்.

இதுகுறித்து பரமத்தி போலீஸாா் வழக்குப் பதிவு செய்து, சுப்பிரமணியனின் உடலைப் பிரேத பரிசோதனைக்காக சேலம் அரசு மருத்துவக் கல்லூரி மருத்துவமனைக்கு அனுப்பிவைத்து விசாரணை நடத்தி வருகின்றனா்.