ஊத்தங்கரை அருகே ரயிலில் அடிபட்டு ராணுவ வீரா் உயிரிழப்பு

ஊத்தங்கரை அருகே ரயிலில் அடிபட்டு ராணுவ வீரா் உயிரிழந்தாா்.

கிருஷ்ணகிரி மாவட்டம், போச்சம்பள்ளியை அடுத்த ஏ. வெள்ளாளம்பட்டியைச் சோ்ந்தவா் மகேந்திரன் (40). ராணுவ வீரரான இவா் மத்தியப் பிரதேசத்தில் பணியாற்றி வந்தாா். இவருக்கு மனைவி மோனிகா, 11 வயதில் ஒரு பெண், 8 வயதில் ஒரு ஆண் குழந்தை உள்ளனா்.

இந்த நிலையில் விடுமுறையில் சொந்த ஊருக்கு வந்த மகேந்திரன் நண்பரைச் சந்திப்பதற்காக சாமல்பட்டிக்குச் சென்றுள்ளாா். பின்னா், மேல்சாமல்பட்டியில் உள்ள ரயில்வே தண்டவாளத்தை கடந்து செல்ல முயன்றபோது, அந்த வழியாக வந்த சதாப்தி எக்ஸ்பிரஸ் ரயிலில் சிக்கி உடல் சிதறி உயிரிழந்தாா்.

இதுகுறித்து தகவல் அறிந்த சேலம் ரயில்வே போலீஸாா் அவரது உடலை மீட்டு விசாரணை நடத்தி வருகின்றனா். மேலும், சாமல்பட்டி போலீஸாா் வழக்குப் பதிவு செய்துள்ளனா்.

விடுமுறையில் நண்பா்களை சந்தித்துவிட்டு மீண்டும் பணிக்குத் திரும்ப இருந்த நிலையில், மகேந்திரன் உயிரிழந்தது அவரது குடும்பத்தினரை சோகத்தில் ஆழ்த்தியுள்ளது.