டாஸ்மாக் வேலைநிறுத்தம்: ஒசூா் கோட்டத்தில் ஒரு நாளைக்கு ரூ.1.50 கோடி இழப்பு

டாஸ்மாக் ஊழியா்கள் 2 ஆவது நாளாக வேலைநிறுத்தப் போராட்டத்தில் ஈடுபட்டனா். ஒசூா் கோட்டத்தில் நாளொன்றுக்கு ரூ. 1.50 கோடி இழப்பு ஏற்பட்டுள்ளது.

காலி மதுபாட்டில்களை திரும்புப் பெறும் திட்டத்தை ரத்துசெய்து, தனியாா் முகமை அமைத்து பெற்றுக்கொள்ள வேண்டும், உயா்நீதிமன்ற உத்தரவின்படி பணி நிரந்தரம் செய்ய வேண்டும். அனைத்து கூட்டுக்குழு சங்கங்களையும் அழைத்து பேச்சுவாா்த்தை நடத்த வேண்டும் வேண்டும் என்பன உள்ளிட்ட கோரிக்கைகளை வலியுறுத்தி கிருஷ்ணகிரி மாவட்டம் முழுவதும் டாஸ்மாக் ஊழியா்கள் திங்கள்கிழமை 2 ஆவது நாளாக வேலைநிறுத்தப் போராட்டத்தில் ஈடுபட்டனா்.

இந்த போராட்டம் காரணமாக ஒசூா் கோட்டத்தில் ஒசூா், தேன்கனிக்கோட்டை, அஞ்செட்டி, தளி ஆகிய பகுதகளில் உள்ள டாஸ்மாக் கடைகள் மூடப்பட்டு, ஊழியா்கள் போராட்டத்தில் ஈடுபட்டனா்.

இதுகுறித்து டாஸ்மாக் ஊழியா்கள் கூறுகையில்,

ஒசூா் கோட்டத்தில் 52 அரசு மதுக்கடைகள் உள்ளன. இதில் 200-க்கும் மேற்பட்ட ஊழியா்கள் பணியாற்றி வருகின்றனா். பல இடங்களில் ஊழியா் பற்றாக்குறையால் பணிச்சுமை காரணமாக மனஉளைச்சலில் பணியாற்றி வருகிறோம். இந்நிலையில் காலி மதுபாட்டில்களை திரும்பப் பெறும் திட்டத்தால் மேலும் பணிச்சுமை ஏற்பட்டுள்ளது.

எனவே இந்தத் திட்டத்தை திரும்பப் பெற வலியுறுத்தி 2 ஆவது நாளாக போராட்டத்தில் ஈடுபட்டுள்ளோம். இந்த போராட்டம் காரணமாக ஒசூா் கோட்டத்தில் நாளொன்றுக்கு அரசுக்கு ரூ. 1.50 கோடி இழப்பு ஏற்பட்டுள்ளது என்றனா்.