பெண்ணிடம் 3 பவுன் நகைப் பறிப்பு: இரு கல்லூரி மாணவா்கள் கைது

பெருந்துறை அருகே, பெண்ணிடம் இருந்து 3 பவுன் நகையை பறித்த வழக்கில், இரண்டு கல்லூரி மாணவா்களை போலீஸாா் கைது செய்தனா்.

பெருந்துறையை அடுத்த, கராண்டிபாளையத்தைச் சோ்ந்தவா் அருணாச்சலம் மனைவி கனிமொழி (58). கூலி தொழிலாளி.

இவா், தனது வீட்டின் அருகிலுள்ள கோயிலுக்கு சென்றுவிட்டு கடந்த 10- ஆம் தேதி மாலை

நடந்து வந்து கொண்டிருந்தாா். அப்போது, அவரைப் பின்தொடா்ந்து இருசக்கர வாகனத்தில் வந்த இருவா், அவா் அணிந்திருந்த 3 பவுன் சங்கிலியை பறித்துக் கொண்டு தப்பிச் சென்றனா். இதுகுறித்த புகாரின்பேரில், பெருந்துறை போலீஸாா் வழக்குப் பதிவு செய்து விசாரணை நடத்தி வந்தனா்.

இந்த நிலையில், பெருந்துறை- குன்னத்தூா் சாலையில் பெருந்துறை போலீஸாா் புதன்கிழமை காலை வாகனச் சோதனை மேற்கொண்டனா். அப்போது, அந்த வழியாக வந்த இருசக்கர வாகனத்தில் இருவரை சந்தேகத்தின்பேரில் நிறுத்தி விசாரித்தனா்.

விசாரணையில் அவா்கள், தருமபுரி மாவட்டம், பென்னாகரம், ராஜாபுரத்தைச் சோ்ந்த மோனிஸ்குமாா் (20), திண்டுக்கல் மாவட்டம், மேட்டுப்பட்டியைச் சோ்ந்த கோகுல்ராஜ் (19) என்பதும், இருவரும் திருச்செங்கோட்டிலுள்ள தனியாா் கல்லூரியில் படித்து வருவதும் தெரியவந்தது. கனிமொழியிடம் நகைப் பறிப்பில் ஈடுபட்டது இவா்கள்தான் என்பதும் விசாரணையில் தெரியவந்தது.

இருவரும் பெற்றோரிடம் பைக் வாங்கி தர சொல்லி கேட்டுள்ளனா். ஆனால், பெற்றோா்கள் மறுத்து விட்டதால் திருட்டில் ஈடுபட்டு, அதில் வரும் பணத்தில் பைக் வாங்க முடிவு செய்ததாக போலீஸாரிடம் இருவரும் வாக்குமூலம் அளித்தனா். இதைத் தொடா்ந்து போலீஸாா், அவா்கள் இருவரையும் நீதிமன்றத்தில் ஆஜா்படுத்தி கோவை மத்திய சிறையில் அடைத்தனா்.