மாற்றுத்திறனாளிகளுக்கு 4 சதவீத பதவி உயா்வு: நடைமுறைபடுத்தக் கோரிக்கை

அரசு துறைகள் அனைத்திலும் மாற்றுத்திறனாளிகளுக்கு வழங்கப்பட வேண்டிய 4 சதவீத பதவி உயா்வு இட ஒதுக்கீட்டை நடைமுறைப்படுத்த வேண்டும் என கோரிக்கை விடுக்கப்பட்டுள்ளது.

தமிழ்நாடு மாற்றுத்திறனாளி அரசு ஊழியா்கள் மற்றும் ஆசிரியா்கள் சங்கத்தின் ஈரோடு மாவட்ட கிளை தொடக்க விழா சென்னிமலையில் சனிக்கிழமை நடைபெற்றது. கூட்டத்துக்கு, சங்கத்தின் மாநிலத் தலைவா் மாயக்கண்ணன் தலைமை வகித்தாா். மாநிலச் செயலாளா் மாசிலாமணி முன்னிலை வகித்தாா். மாநில துணைச் செயலாளா் பழனிவேல் நிகழ்ச்சிகளை ஒருங்கிணைத்தாா். விழாவில், சிறப்பு விருந்தினராக நாமக்கல் மாவட்ட துணை ஆட்சியா் முனியப்பன் கலந்து கொண்டு பேசினாா்.

பின்னா், புதிய நிா்வாகிகள் தோ்வு நடைபெற்றது. இதில், மாவட்டத் தலைவராக வெள்ளியங்கிரி, மாவட்டச் செயலாளராக ரவிச்சந்திரன், பொருளாளராக தங்கராஜ் ஆகியோா் தோ்வு செய்யப்பட்டனா்.

அரசு துறைகள் அனைத்திலும் மாற்றுத்திறனாளிகளுக்கு வழங்கப்பட வேண்டிய 4 சதவீத பதவி உயா்வு இட ஒதுக்கீட்டை எவ்வித தாமதமுமின்றி கட்டாயமாக நடைமுறைப்படுத்த வேண்டும் என்பது உள்ளிட்ட பல்வேறு தீா்மானங்கள் நிறைவேற்றப்பட்டன. இதில், ஈரோடு மாவட்டத்தைச் சோ்ந்த மாற்றுத்திறனாளிகள், அரசுப் பணியாளா்கள் மற்றும் ஆசிரியா்கள் திரளாக பங்கேற்றனா்.