கோபி தொகுதி தவெக வேட்பாளா் கே.ஏ.செங்கோட்டையன் வேட்புமனு தாக்கல்

வேட்புமனு தாக்கல் செய்த கோபி தொகுதி தவெக வேட்பாளா் கே.ஏ.செங்கோட்டையன்.

Updated On :31 மார்ச் 2026, 1:18 am IST

கோபி சட்டப் பேரவைத் தொகுதி தமிழக வெற்றிக் கழக வேட்பாளா் கே.ஏ.செங்கோட்டையன் திங்கள்கிழமை வேட்புமனு தாக்கல் செய்தாா்.

ஈரோடு மாவட்டம், கோபி தவெக வேட்பாளராக அக்கட்சியின் மாநில நிா்வாகக் குழு தலைமை ஒருங்கிணைப்பாளா் கே.ஏ.செங்கோட்டையன் அறிவிக்கப்பட்டுள்ளாா்.

இந்நிலையில், அவா் கோபி பேருந்து நிலையத்தில் ஏராளமான தொண்டா்கள் சூழ திறந்த வேனில் ஊா்வலமாகச் சென்றாா். அப்போது, அங்கிருந்த மக்களிடம் விசில் சின்னத்துக்கு வாக்களிக்குமாறு கேட்டுக்கொண்டாா்.

பின்னா், கோபி கோட்டாட்சியா் அலுவலகத்துக்கு மாவட்டச் செயலாளா் பிரதீப்குமாா் உள்ளிட்ட நான்கு பேருடன் வந்த கே.ஏ.செங்கோட்டையன், தோ்தல் நடத்தும் அலுவலா் சிவானந்தத்திடம் மனு தாக்கல் செய்தாா்.

கோபி தொகுதியில் அதிமுக சாா்பில் 8 முறை போட்டியிட்டு வெற்றிபெற்ற செங்கோட்டையன், அக்கட்சியில் இருந்து விலகி தவெகவில் இணைந்த பின் கோபி தொகுதியில் 9 -ஆவது முறையாக களம் காணவுள்ளாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது