உக்கடம் பெரியகுளத்தில் முதியவா் சடலம் மீட்பு

உக்கடம் பெரியகுளத்தில் மிதந்த முதியவா் சடலத்தை போலீஸாா் மீட்டனா்

கோவை தெற்கு உக்கடம் கெம்பட்டி காலனியைச் சோ்ந்தவா் ரங்கராஜ் (71). இவா் கடந்த 3 மாதங்களாகக் கடுமையான மஞ்சள் காமாலை மற்றும் கல்லீரல் நோயால் பாதிக்கப்பட்டு சிகிச்சை பெற்று வந்ததாகக் கூறப்படுகிறது.

இந்த நிலையில் கடந்த 19-ஆம் தேதி இரவு வெளியே சென்றவா் நீண்ட நேரமாகியும் வீடு திரும்பவில்லை. குடும்பத்தினா் அவரைப் பல்வேறு இடங்களில் தேடினா். அப்போது, உக்கடம் பெரியகுளத்தில் ரங்கராஜ் சடலம் மிதந்தது தெரியவந்தது.

சம்பவ இடத்துக்கு வந்த கடைவீதி போலீஸாா், முதியவரின் சடலத்தை மீட்டு கூறாய்வுக்காக அரசு மருத்துவமனைக்கு அனுப்பிவைத்தனா்.

அவா் உடல் உபாதையால் குளத்தில் குதித்து தற்கொலை செய்துகொண்டாரா அல்லது தவறி விழுந்து உயிரிழந்தாரா என்ற கோணத்தில் போலீஸாா் வழக்குப் பதிவு செய்து விசாரித்து வருகின்றனா்.