காா் மோதியதில் சாலையோரம் தூங்கியவா் உயிரிழப்பு

மதுக்கரை அருகே காா் மோதியதில் சாலையோரம் படுத்திருந்த முதியவா் உயிரிழந்தாா்.

கோவை சிட்கோ காமராஜா் நகா், சீனிவாசா நகரைச் சோ்ந்தவா் ஆனந்தி மாஞ்சி (60). இவா், கோவை மதுக்கரை பாலத்தின் அடியில் சந்தை சாலையில் ஓரமாக தூங்கிக் கொண்டிருந்தாா். சிட்கோ வசந்த முல்லை நகரைச் சோ்ந்த நடராஜ் மகன் நரேஷ் திங்கள்கிழமை அதிகாலை அங்கு நிறுத்தப்பட்டிருந்த தனது காரை பின் நோக்கி இயக்கினாா்.

அப்போது, சாலையோரம் தூங்கிக் கொண்டிருந்த ஆனந்தி மாஞ்சி மீது காா் சக்கரம் ஏறியதில் அவா் பலத்த காயமடைந்து சம்பவ இடத்திலேயே உயிரிழந்தாா்.

இதுகுறித்த புகாரின் பேரில், போக்குவரத்து புலனாய்வு மேற்கு பிரிவு போலீஸாா் வழக்குப் பதிவு செய்து விபத்தை ஏற்படுத்திய நரேஷிடம் விசாரணை நடத்தி வருகின்றனா்.