தமிழகமெங்கிலும் தவெக தொண்டர்கள் உற்சாகம் - பட்டாசுகள் வெடித்து கொண்டாட்டம்விஜய் பதவியேற்பு விழாவுக்காக சென்னையிலுள்ள நேரு உள் விளையாட்டு அரங்கில் ஆயத்தப் பணி மீண்டும் தொடக்கம்ஆளுநர் மாளிகையில் விஜய்!தவெகவுக்கு ஆதரவு ஏன்? திருமாவளவன் விளக்கம்!தமிழக ஆளுநரின் கேரள பயணம் ரத்து!தமிழ்நாட்டில் புதிய அரசுக்கு வாழ்த்துகள்: மு.க. ஸ்டாலின்தமிழக முதல்வராகிறார் விஜய்! விடுதலைச் சிறுத்தைகள் ஆதரவு: ஆதவ் அர்ஜுனாதவெகவின் பலம் 120-ஆக உயர்வு!ஐயூஎம்எல் 2 எம்எல்ஏக்களும் விஜய்க்கு ஆதரவு! ஆதரவு அளித்த விசிகவுக்கு நன்றி தெரிவித்த ஆதவ் அர்ஜுனா!ஆட்சியமைக்கும் கட்சிக்கு வாழ்த்துகள்! இபிஎஸ்
/

காட்பாடியில் கால்நடை மருத்துவமனை அமைக்கப்படும்: அமைச்சா் துரைமுருகன்

காட்பாடியில் கால்நடை மருத்துவமனை அமைக்கப்படும்: அமைச்சா் துரைமுருகன்

News image

வள்ளிமலையில் வாக்காளா்கள் மத்தியில் பேசிய அமைச்சா் துரைமுருகன். உடன், வேலூா் மக்களவை உறுப்பினா் டி.எம்.கதிா்ஆனந்த் உள்ளிட்டோா்.

Updated On :12 ஏப்ரல் 2026, 12:53 am IST

மக்களின் கோரிக்கையை ஏற்று காட்பாடி தொகுதியில் கால்நடை மருத்துவமனை அமைக்கப்படும் என்று அமைச்சா் துரைமுருகன் உறுதியளித்துள்ளாா்.

காட்பாடி தொகுதியில் திமுக சாா்பில் போட்டியிடும் அவா் வள்ளிமலை, மேல் பாடி ஊராட்சிகளில் சனிக்கிழமை வாக்கு சேகரிப்பில் ஈடுபட்டாா்.

அப்போது அவா் பேசியது - காட்பாடி தொகுதியில் விவசாயமும், கால்நடை வளா்ப்பும் பிரதானமாக இருந்து வருகின்றன. இப்பகுதியில் உள்ள கால்நடைகளுக்கு சிகிச்சை அளிக்க நடமாடும் கால்நடை சிகிச்சை மையம் அமைக்கப்பட்டுள்ளது. எனினும், கால்நடைகளுக்கு சிகிச்சை அளிக்க மக்கள் வேலூருக்கு செல்வதை தவிா்க்க மீண்டும் திமுக ஆட்சி அமைந்ததும் காட்பாடி தொகுயிலேயே கால்நடை மருத்துவமனை அமைக்க நடவடிக்கை எடுக்கப்படும்.

மேலும், கடந்த 5 ஆண்டுகால திமுக ஆட்சியில் இப்பகுதிக்கு தேவையான குடிநீா், சாலை வசதி, மேம்பாலம் என அனைத்து தேவைகளும் பூா்த்தி செய்து தரப்பட்டுள்ளது. மீண்டும் திமுக ஆட்சி அமையும்போது குடும்பங்களுக்கு ரூ.8 ஆயிரம் பரிசுக்கூப்பன், மகளிா் உரிமைத் தொகை, முதியோா் உதவித்தொகை ரூ.2 ஆயிரமாகவும் உயா்த்தியும், 8-ஆம் வகுப்பு வரை காலை சிற்றுண்டி என திமுக தோ்தல் அறிக்கையில் அளிக்கப்பட்டுள்ள வாக்குறுதிகள் செயல்படுத்தப்படும் என்றாா்.

அப்போது, வேலூா் மக்களவை உறுப்பினா் டி.எம்.கதிா்ஆனந்த், காங்கிரஸ், விசிக, தேமுதிக உள்ளிட்ட கூட்டணி கட்சி நிா்வாகிகள் உடனிருந்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.