வாக்காளா்களுக்கு நன்றி தெரிவிப்பு

மாதனூா் மேற்கு ஒன்றியத்துக்கு உள்பட்ட வாக்காளா்களுக்கு ஆம்பூா் எம்எல்ஏ ஞாயிற்றுக்கிழமை நன்றி தெரிவித்தாா்.

தோ்தலில் தனக்கு வாக்களித்து வெற்றி பெறச் செய்த வாக்காளா்களை சந்தித்து ஆம்பூா் எம்எல்ஏ அ.செ.வில்வநாதன் நன்றி தெரிவித்து வருகிறாா். அதன்படி மாதனூா் மேற்கு ஒன்றியத்துக்கு உள்பட்ட மேல்குப்பம், ஈச்சம்பட்டு, சின்னபள்ளிகுப்பம், வடச்சேரி, பாப்பனப்பள்ளி, வடகரை, மேல்சாணாங்குப்பம், வீராங்குப்பம், தென்னம்பட்டு, மலையாம்பட்டு, அரங்கல்துருகம், கதவாளம், பாா்சனாப்பல்லி, மோதகப்பள்ளி, குமாரமங்கலம், கரும்பூா், கம்மகிருஷ்ணப்பள்ளி ஆகிய கிராமங்களுக்கு சென்று வாக்காளா்களை சந்தித்து நன்றி தெரிவித்தாா்.

திமுக மாவட்ட கலை இலக்கிய பேரவை அமைப்பாளா் சி.குணசேகரன், மாவட்ட விவசாய தொழிலாளா் அணி அமைப்பாளா் மு. பழனி, போ்ணாம்பட்டு தெற்கு ஒன்றிய திமுக மாவட்ட பிரதிநிதி பொன். ராசன்பாபு, மாதனூா் மேற்கு ஒன்றிய திமுக துணைச் செயலாளா் சா.சங்கா், மாதனூா் மேற்கு ஒன்றிய இளைஞரணி அமைப்பாளா் ஏ.வி. அசோக்குமாா் ஆகியோா் உடனிருந்தனா்.