ஆந்திரத்தில் இருந்து கடத்தி வரப்பட்ட 226 கிலோ குட்கா பறிமுதல்

ஆந்திர மாநிலத்தில் இருந்து கடத்தி வரப்பட்ட 226 கிலோ குட்காவை போலீஸாா் பறிமுதல் செய்தனா்.

ராணிப்பேட்டை அடுத்த சிப்காட் காவல் நிலையம்- லாலாபேட்டை சந்திப்பு பகுதியில் காவல் ஆய்வாளா் மங்கையா்க்கரசி தலைமையில் வாகன தணிக்கையில் ஈடுபட்டிருந்தனா்.

அப்போது அவ்வழியே ஆந்திர மாநிலத்தில் இருந்து வந்த காரை நிறுத்தி சோதனையிட்டதில் அதில் பல்வேறு மூட்டைகளில் 226 கிலோ குட்கா புகையிலைப்பொருள்கள் வைத்திருந்தது தெரியவந்து அவற்றை பறிமுதல் செய்தனா்.

இது தொடா்பாக ஆந்திர மாநிலம், சித்தூரைச் சோ்ந்த ரமேஷ்(45) என்பவரை கைது செய்தனா். மேலும் கடத்தி வரப்பட்ட காரையும் பறிமுதல் செய்தனா். பறிமுதல் செய்யப்பட்ட குட்காவின் மதிப்பு ரூ.1.50 லட்சம் என போலீசாா் தெரிவித்தனா்.