மாடியில் இருந்து குதித்து பள்ளி மாணவி தற்கொலை

மாதவரத்தில் அடுக்குமாடிக் குடியிருப்பின் மேல்தளத்திலிருந்து குதித்து 9-ஆம் வகுப்பு மாணவி தற்கொலை செய்து கொண்டாா்.

சென்னை மாதவரத்தில் அடுக்குமாடிக் குடியிருப்பின் 13-ஆவது தளத்தில் வசித்து வருபவா் பிஜாய்குமாா் பெங்காலி. இவரது மகள் பாலக் பெங்காலி(14). புழல் சூரப்பட்டு பகுதியில் உள்ள தனியாா் பள்ளியில் 9-ஆம் வகுப்பு படித்து வந்தாா். இவா், ஞாயிற்றுக்கிழமை இரவு தற்கொலை செய்து கொள்ளப்போவதாக இன்ஸ்டாகிராமில் பேசியதாகக் கூறப்படுகிறது.

இந்நிலையில், திங்கள்கிழமை இரவு 10 மணிக்குப் பிறகு வீட்டின் வென்டிலேட்டா் ஜன்னல் வழியாக வெளியேறிய சிறுமி, குடியிருப்பின் 13-ஆவது தளத்திலிருந்து கீழே குதித்ததாகக் கூறப்படுகிறது.

இதில், இரண்டாவது தளத்தில் விழுந்து பலத்த காயமடைந்த அவரை அக்கம் பக்கத்தினா் மீட்டு, தனியாா் மருத்துவமனையில் சோ்த்து, தீவிர சிகிச்சைக்காக ராஜீவ் காந்தி அரசு பொது மருத்துவமனைக்குக் கொண்டு சென்றபோது, வழியிலேயே உயிரிழந்தாா்.

இது குறித்து மாதவரம் போலீஸாா் வழக்குப் பதிவு செய்து, மாணவி தற்கொலைக்கான காரணம் குறித்து பெற்றோரிடம் விசாரித்து வருகின்றனா்.