மாநிலங்களவைத் தோ்தல்: மல்லிகாா்ஜுன காா்கே உள்பட 4 போ் போட்டியின்றி தோ்வு

கா்நாடகத்தில் நடைபெற்ற மாநிலங்களவை உறுப்பினா்களுக்கான தோ்தலில், அகில இந்திய காங்கிரஸ் கட்சித் தலைவா் மல்லிகாா்ஜுன காா்கே உள்ளிட்ட 4 போ் போட்டியின்றி தோ்ந்தெடுக்கப்பட்டுள்ளனா்.

மல்லிகாா்ஜுன காா்கே - கோப்புப் படம்

Updated On :12 ஜூன் 2026, 12:09 am IST

கா்நாடகத்தில் நடைபெற்ற மாநிலங்களவை உறுப்பினா்களுக்கான தோ்தலில், அகில இந்திய காங்கிரஸ் கட்சித் தலைவா் மல்லிகாா்ஜுன காா்கே உள்ளிட்ட 4 போ் போட்டியின்றி தோ்ந்தெடுக்கப்பட்டுள்ளனா்.

கா்நாடகத்தில் ஜூன் 25-ஆம் தேதி காலியாகவுள்ள 4 மாநிலங்களவை இடங்களுக்கான தோ்தல் ஜூன் 18-ஆம் தேதி நடைபெற இருந்தது. இத்தோ்தலில் காங்கிரஸ் வேட்பாளா்களாக அகில இந்திய காங்கிரஸ் கட்சித் தலைவா் மல்லிகாா்ஜுன காா்கே, பவன்கேரா, மன்சூா் அலிகான், பாஜக வேட்பாளராக எம்.நாகராஜா வேட்புமனு தாக்கல் செய்திருந்தனா். சுயேச்சை வேட்பாளராக போஜண்ணா சோமையா வேட்புமனு தாக்கல் செய்திருந்தாா்.

4 இடங்களுக்கு 5 போ் வேட்புமனு தாக்கல் செய்த நிலையில், ஜூன் 9-ஆம் தேதி நடைபெற்ற வேட்புமனு பரிசீலனையின்போது, சுயேச்சை வேட்பாளா் போஜண்ணா சோமையாவின் வேட்புமனு தள்ளுபடி செய்யப்பட்டது. வேட்பு மனுக்களை திரும்பப் பெற ஜூன் 11-ஆம் தேதி கடைசி நாளாகும்.

4 இடங்களுக்கு காங்கிரஸ் கட்சியைச் சோ்ந்த 3 பேரும், பாஜகவைச் சோ்ந்த ஒருவரும் வேட்புமனு தாக்கல் செய்திருந்ததால், 4 பேரும் போட்டியின்றி தோ்ந்தெடுக்கப்பட்டனா். இதற்கான அதிகாரப்பூா்வ அறிவிப்பு ஜூன் 18-ஆம் தேதி வெளியாகும். அன்று தோ்ந்தெடுக்கப்பட்டதற்கான சான்றிதழை வேட்பாளா்கள் நேரில் பெற்றுக்கொள்வாா்கள்.

2019-இல் நடைபெற்ற மக்களவைத் தோ்தலில் காங்கிரஸ் வேட்பாளராக போட்டியிட்ட மல்லிகாா்ஜுன காா்கே தோல்வி அடைந்ததைத் தொடா்ந்து, 2020-இல் மாநிலங்களவை உறுப்பினராக தோ்ந்தெடுக்கப்பட்டாா். அதன்மூலம், மாநிலங்களவை எதிா்க்கட்சித் தலைவராக அவா் செயல்பட்டு வருகிறாா்.

போட்டியின்றி வெற்றிபெற்றுள்ள மல்லிகாா்ஜுன காா்கே, பவன்கேரா, மன்சூா் அலிகான் ஆகியோருக்கு கா்நாடக முதல்வா் டி.கே.சிவகுமாா், முன்னாள் முதல்வா் சித்தராமையா உள்ளிட்டோா் வாழ்த்து தெரிவித்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது