கர்நாடகத்தின் புதிய அமைச்சரவையில் சித்தராமையா, கார்கேவின் மகன்கள்!

கர்நாடகத்தின் புதிய அமைச்சரவையில் காங்கிரஸ் தலைவர் மல்லிகார்ஜுன கார்கே மற்றும் முன்னாள் முதல்வர் சித்தராமையாவின் மகன்கள் இடம்பெற்றுள்ளனர்.

கர்நாடகத்தில், முன்னாள் முதல்வர் சித்தராமையா கடந்த மே 28 ஆம் தேதி பதவி விலகினார். இதையடுத்து, புதிய முதல்வராக டி.கே. சிவகுமார் தேர்வு செய்யப்பட்டார்.

இதனைத் தொடர்ந்து, கர்நாடக ஆளுநர் மாளிகையில் புதன்கிழமை (ஜூன் 3) மாலை நடைபெற்ற விழாவில் கர்நாடகத்தின் புதிய முதல்வராக டி.கே. சிவகுமார் மற்றும் துணை முதல்வராக ஜி. பரமேஸ்வரா ஆகியோர் பதவியேற்றுக்கொண்டனர்.

முதல்வர் டி.கே. சிவகுமார் மற்றும் துணை முதல்வர் ஜி. பரமேஸ்வரா ஆகியோருடன் 12 பேர் கொண்ட அமைச்சரவையும் பதவியேற்றுக்கொண்டது.

காங்கிரஸ் தலைவர் மல்லிகார்ஜுன கார்கேவின் மகன் பிரியங்க் கார்கே மற்றும் முன்னாள் முதல்வர் சித்தராமையாவின் மகன் யதீந்திரா சித்தராமையா ஆகியோரும் அமைச்சர்களாகப் பதவியேற்றுக்கொண்டனர்.

புதியதாகப் பதவியேற்று அமைச்சரவையில் இடம்பெற்றுள்ள 14 பேருக்கும் ஒதுக்கப்படும் துறைகள் குறித்து இதுவரை அதிகாரப்பூர்வ அறிவிப்பு வெளியாகவில்லை.