நல்ல வரவேற்பு: ரூ. 200 கோடி வசூலை தாண்டிய ஜெயிலர் 2!

நடிகர் ரஜினி நடிப்பில் வெளியாகியுள்ள ஜெயிலர் 2 திரைப்படம் இரண்டு நாள்களில் ரூ.210 கோடி வசூலித்துள்ளதாக தகவல்கள் தெரிவிக்கின்றன.

நெல்சன் திலீப் குமார் இயக்கத்தில் உருவாகியுள்ள ஜெயிலர் 2 திரைப்படம் அக்.15ல் உலகம் முழுவதும் வெளியானது. இந்தப் படத்தை சன் பிக்சர்ஸ் தயாரித்துள்ளது.

நெல்சன் இயக்கிய ஜெயிலர் முதல் பாகம் கடந்த 2023ல் வெளியாகி ரூ.600 கோடி வசூலித்தது. இந்தப் படத்தின் வெற்றியைத் தொடர்ந்து இரண்டாம் பாகம் வெளியாகியுள்ளது.

இந்தப் படத்தில் எஸ்.ஜே. சூர்யா, வித்யா பாலன், மிதுன் சக்ரவர்த்தி, சுராஜ், யோகி பாபு, ரம்யா கிருஷ்ணன் முக்கிய கதாபாத்திரங்களில் நடித்துள்ளார்கள்.

மோகன்லால், ஷிவ ராஜ்குமார் சிறப்புத் தோற்றங்களில் நடித்துள்ளார்கள். முதல் பாகம் போலவே இந்தப் படத்துக்கும் நல்ல வரவேற்பு கிடைத்து வருகிறது.

இந்த நிலையில், இரண்டு நாள்களில் உலகம் முழுவதும் ரூ. 210.65 கோடி வசூலித்துள்ளதாக தகவல் வெளியாகியுள்ளது. முதல் நாளில் 125 கோடியும் இரண்டாவது நாளில் 85 கோடியும் வசூலித்துள்ளது.

அனிருத் இசையமைத்துள்ள இந்தப் படம் இந்தியாவில் மட்டுமே ரூ.113. 65 கோடி வசூலித்துள்ளதாகவும் தகவல்கள் தெரிவிக்கின்றன.