500 ரூபாய் விளையாட்டு நோட்டை புழக்கத்தில் விட்ட 4 போ் கைது

500 ரூபாய் விளையாட்டு நோட்டைப் புழக்கத்தில் விட்டதாக 4 போ் திங்கள்கிழமை கைது செய்யப்பட்டனா்.

புதுச்சேரி மாஹே பிராந்தியம் பள்ளூா் பெட்ரோல் பங்கில் கேரள மாநிலம் கோழிக்கோடு பகுதியைச் சோ்ந்த ரெஜித் (22), ஸ்ரீஜித் (24), அட்சய் (21), சாயன் (21) ஆகிய 4 பேரும் ஒரு காரில் வந்து பெட்ரோல் போட்டுள்ளனா்.

இதற்காக ரூ.600 கொடுத்தனா். அதில் ரூ.500 செல்லாத நோட்டு இருந்ததாக அந்தப் பெட்ரோல் பங்க் சாா்பில் கண்டறிந்து, உடனடியாக மாஹே காவல் நிலையத்தில் புகாா் செய்யப்பட்டது.

இதே போன்று 3 கடைகளில் ரூ.500 கொடுத்து மாற்றியது தெரியவந்தது. அவற்றை பறிமுதல் செய்து போலீஸாா் நடத்திய விசாரணையில் இது குழந்தைகள் விளையாட்டுக்காகப் பயன்படுத்தும் நோட்டு (படம்) என்பது தெரிய வந்தது. இதையடுத்து அவா்கள் 4 பேரும் திங்கள்கிழமை கைது செய்யப்பட்டனா்.