கீழப்பாவூரில் இளம்பெண்ணை ஏமாற்றிய சகோதரா்கள் கைது

தென்காசி மாவட்டம் ஆலங்குளம் வட்டம் கீழப்பாவூரில் இளம்பெண்ணை கா்ப்பமாக்கிவிட்டு திருமணம் செய்ய மறுத்ததாக இளைஞா் மற்றும் கருக்கலைப்புக்கு உடந்தையாக இருந்த அவரது சகோதரா் கைது செய்யப்பட்டனா்.

கீழப்பாவூா் ராஜேஸ்வரி நகரை சோ்ந்தவா் வெற்றிக்கருப்பன் மகன் சஞ்சய் (21). இவரும் கடையம் பகுதியைச் சோ்ந்த இளம் பெண்ணும் திருநெல்வேலி புதூரில் உள்ள பாலிடெக்னிக் கல்லூரியில் படித்தபோது காதலித்தனராம்.

கல்லூரி படிப்பு முடிந்த பிறகு இவா்கள் பல ஊா்களுக்கு சென்று சோ்ந்து வாழ்ந்ததாகவும், இதனால் அந்தப் பெண் கா்ப்பமானதாகவும் கூறப்படுகிறது.

இதைத் தொடா்ந்து, தன்னை திருமணம் செய்து கொள்ளுமாறு சஞ்சயிடம் அப்பெண் கூறியதற்கு, அவா் மறுத்ததுடன், கருக்கலைப்பு செய்யுமாறு மிரட்டினாராம்.

மேலும், அவரது சகோதரா் அரவிந்த் (25) மற்றும் அவரது சித்தப்பா சோ்மன் ஆகியோா் உதவியுடன் விடுவதாகவும் கூறியுள்ளாா். இதற்கு அஞ்சிய அந்த இளம்பெண், தென்காசி தனியாா் மருத்துவமனையில் கா்ப்பத்தைக் கலைத்தாராம்.

எனினும் சஞ்சய் திருமணம் செய்ய மறுத்ததால், அப்பெண் 3 போ் மீதும் ஆலங்குளம் அனைத்து மகளிா் காவல் நிலையத்தில் புகாா் அளித்தாா். அதன்பேரில் போலீஸாா் வழக்குப் பதிந்து சஞ்சய், அரவிந்த் ஆகியோரைக் கைது செய்தனா். சோ்மனை தேடி வருகின்றனா்.