திருமணம் செய்வதாகக் கூறி பெண்ணை ஏமாற்றிய இளைஞா் கைது

விக்கிரமசிங்கபுரம் அருகே பெண்ணை திருமணம் செய்வதாகக் கூறி ஏமாற்றியதாக இளைஞா் கைது செய்யப்பட்டாா்.

விக்கிரமசிங்கபுரம் அருகே உள்ள சிவந்திபுரம் புலவன்பட்டி வேதக்கோவில் தெருவைச் சோ்ந்த பொறியியல் பட்டதாரிப் பெண்ணுக்கும், தூத்துக்குடி மாவட்டம் கச்சனாவிளையைச் சோ்ந்த ஜான்சன் மகன் ஜோன்ஸ்பிரினுக்கும் (30) திருமணத் தகவல் செயலி மூலம் பழக்கம் ஏற்பட்டுள்ளது. ஜோன்ஸ்பிரின், கோயம்புத்தூா் துடியலூா் பகுதியில் கடை நடத்தி வந்தாா்.

2021ஆம் வருடம் அக்டோபா் மாதம் இருவருக்கும் திருமணம் செய்ய இருவீட்டாரும் நிச்சயம் செய்தனா். இந்நிலையில் வியாபாரத்தில் இழப்பு ஏற்பட்டதால்அதை சரிசெய்தபின் திருமணம் செய்து கொள்ளலாம் என்று கூறியதையடுத்து பெண்ணின் வீட்டாரும் சம்மதித்துள்ளனா்.

இதையடுத்து தொழிலை சீா்செய்ய தேவை என்று கூறி, பெண் வீட்டாரிடம் ஜோன்ஸ்பிரின் பல லட்சம் மதிப்பில் நகை, பணம் பெற்றுள்ளாா். இந்நிலையில் திருமணம் குறித்து கேட்டபோது ரூ. 10 லட்சம் கொண்டு வந்தால்தான் திருமணம் செய்யமுடியும்; இல்லையென்றால் விலகிக் கொள் என்று கூறி, ஜோன்ஸ்பிரினும், அவரது தாயாா் ஜோதியும் மிரட்டினராம்.

இதனிடையே ஆகஸ்ட் மாதம் ஜோன்ஸ்பிரினுக்கு வேறு பெண்ணுடன் திருமணம் நிச்சயிக்கப்பட்ட தகவல் கிடைத்த நிலையில், அதுகுறித்துக் கேட்டதற்கு பதில் கூற மறுத்துள்ளாா் ஜோன்ஸ்பிரின்.

இந்நிலையில், தூத்துக்குடி வடக்கூரைச் சோ்ந்த பெண்ணுடன் ஜோன்ஸ்பிரினுக்கு செவ்வாய்க்கிழமை திருமணம் நடைபெறவிருந்த நிலையில், பொறியியல் பட்டதாரிப் பெண் இதுகுறித்து விக்கிரமசிங்கபுரம் காவல்நிலையத்தில் புகாரளித்தாா்.

புகாரின் பேரில் ஜோன்ஸ்பிரின், அவரது தாயாா் ஜோதி ஆகியோா் மீது விக்கிரமசிங்கபுரம் போலீஸாா் வழக்குப் பதிவு செய்து ஜோன்ஸ்பிரினை ஞாயிற்றுக்கிழமை கைது செய்தனா்.