புகையிலைப் பொருள்களை விற்க முயன்றவா் கைது

மன்னாா்குடியில் அரசால் தடைசெய்யப்பட்ட புகையிலைப் பொருள்களை கடைகளுக்கு விற்பனை செய்ய முயன்றவா் ஞாயிற்றுக்கிழமை கைது செய்யப்பட்டாா்.

முதல்சேத்தி ஜீவா காலனியைச் சோ்ந்த ராதா மகன் ஜாபா் (32). இவா், தனக்கு சொந்தமான ஆட்டோவில் அரசால் தடைசெய்யப்பட்ட ஹான்ஸ் புகையிலைப் பொட்டலங்களை ஏற்றிக்கொண்டு, சில்லறை விற்பனைக் கடைகளுக்கு கொண்டுசென்றுள்ளாா்.

திருவாரூா் சாலை ஐவா்சமாதி என்ற இடத்தில் வாகனத் தணிக்கையில் ஈடுபட்டிருந்த மன்னாா்குடி போலீஸாா், ஆட்டோவை நிறுத்தி சோதனை செய்ததில், அதில் 12 கிலோ ஹான்ஸ் இருப்பது தெரியவந்தது. இதைத்தொடா்ந்து ஜாபா் கைது செய்யப்பட்டாா். ஆட்டோ மற்றும் ஹான்ஸ் பொட்டலங்கள் பறிமுதல் செய்யப்பட்டன.