பாம்பனில் ஒன்றாம் எண் புயல் எச்சரிக்கைக் கூண்டு ஏற்றம்

வங்கக் கடலில் குறைந்த காற்றழுத்தத் தாழ்வு பகுதி உருவாகி நகா்ந்து வருவதால், ராமநாதபுரம் மாவட்ட மீனவா்களுக்கு எச்சரிக்கை விடுக்கும் வகையில், பாம்பன் துறைமுகத்தில் ஒன்றாம் எண் புயல் எச்சரிக்கைக் கூண்டு சனிக்கிழமை ஏற்றப்பட்டது.

வங்கக் கடலில் குறைந்த காற்றழுத்தத் தாழ்வு பகுதி உருவாகி மேற்கு- வடமேற்கு திசையில் நகா்ந்து வருகிறது. இது, சென்னைக்கு தென்கிழக்கே 1,140 கி.மீ தொலைவிலும், மசூதிபட்டினத்திலிருந்து 1,200 கி.மீ தொலைவிலும் நிலை கொண்டுள்ளது.

இதன் காரணமாக, ராமநாதபுரம் மாவட்ட மீனவா்களுக்கு எச்சரிக்கை விடுக்கும் வகையில், பாம்பன் துறைமுகத்தில் ஒன்றாம் எண் புயல் எச்சரிக்கைக் கூண்டு சனிக்கிழமை ஏற்றப்பட்டது. மேலும், ஆழ்கடல் பகுதியில் மீன்பிடிக்கச் செல்லும் மீனவா்கள் பாதுகாப்பாக இருக்கவும் அறிவுறுத்தப்பட்டது.