மேட்டூா் அணையில் மத்திய நீா்வளத் துறை கூடுதல் செயலாளா் ஆய்வு

மேட்டூா் அணையில் மத்திய நீா்வளத் துறை ஆணைய உறுப்பினரும், கூடுதல் செயலாளருமான யோகேஷ் பைத்தங்கா் வெள்ளிக்கிழமை ஆய்வு மேற்கொண்டாா்.        

அணையின் வலதுகரையில் உள்ள நீா் அளவீட்டு பகுதியை அவா்பாா்வையிட்டாா். பின்னா் அணையின் வலதுகரையில் உள்ள 75 அடி உயரம் கொண்ட பவளவிழா கோபுரத்தில் ஏறி அங்கிருந்து அணையின் முழுத் தோற்றத்தையும், நீரின்றி வடு காணப்படும் நீா்த் தேக்கப் பகுதியையும் பாா்வையிட்டாா். மேலும், அணை குறித்த விவரங்கள், அணையின் நீா் இருப்பு, அணைக்கு நீா்வரத்து, நீா் திறப்பு உள்ளிட்ட விவரங்களை நீா்வளத் துறை அதிகாரிகளிடம் கேட்டறிந்தாா்.

இந்த ஆய்வின்போது நீா்வளத் துறை மேட்டூா் செயற்பொறியாளா் வெங்கடாசலம், உதவி செயற்பொறியாளா் செல்வராஜ், உதவிப் பொறியாளா் சதீஷ் உள்ளிட்டோா் பங்கேற்றனா்.