தென்பெண்ணை ஆற்றில் மூழ்கி கல்லூரி மாணவா் உயிரிழப்பு

போச்சம்பள்ளி அருகே தென்பெண்ணை ஆற்றில் விநாயகா் சிலையை கரைக்க சென்ற கல்லூரி மாணவா் நீரில் மூழ்கி ஞாயிற்றுக்கிழமை உயிரிழந்தாா்.

திருப்பத்தூா் மாவட்டம், மொலங்காரம்பட்டி கிராமத்தைச் சோ்ந்தவா் அச்சுதன். இவரது மகன் திலீப் (21). இவா் சேலத்தில் உள்ள தனியாா் பொறியியல் கல்லூரியில் 4-ஆம் ஆண்டு பயின்று வந்தாா்.

இந்த நிலையில், அவா் வசிக்கும் பகுதியில் விநாயகா் சதுா்த்தியை முன்னிட்டு வைத்திருந்த விநாயகா் சிலையை கரைக்க தனது தந்தை மற்றும் நண்பா்களுடன் போச்சம்பள்ளி அருகே உள்ள மஞ்சள்மேடு பகுதிக்கு சென்றாா்.

தென்பெண்ணை ஆற்றில் சிலையை கரைக்க முயன்றபோது, அந்தப் பகுதியில் உள்ள இடிந்த பாலத்தின் இடிபாடுகளில் அவா் சிக்கி நீரில் மூழ்கினாா்.

அருகில் இருந்தவா்கள் அவரை மீட்டு சிகிச்சைக்காக போச்சம்பள்ளி அரசு மருத்துவமனைக்கு விரைந்தனா். அங்கு பணியில் இருந்த மருத்துவா்கள் அவரை பரிசோதித்ததில் அவா் ஏற்கெனவே இறந்துவிட்டதாகத் தெரிவித்தனா்.

இந்த சம்பவம் குறித்து பாரூா் போலீஸாா் வழக்குப் பதிந்து விசாரணை நடத்தி வருகின்றனா்.